Iqtisodiyot” fakulteti “innovatsion iqtisodiyot” kafedrasi

1. Kurs ishi yozishning maqsad va vazifalari.

“Korxonalar iqtisodiyoti va menejmenti” fanidan kurs ishi tayyorlash 5320400 - “Kimyoviy texnologiya” (yuqori molekulali birikmalar) ta’lim yo‘nalishlari o‘quv rejasiga ko‘ra 7-8 semestrlarda ko‘zda tutilgan.
“Korxonalar iqtisodiyoti va menejmenti” fanidan kurs ishini yozishdan maqsad talabalarda mustaqil ilmiy izlanish ko‘nikmalarini shakllantirishdan iborat.
Bu maqsadga erishish quyidagi vazifalarni amalga oshirish orqali ta’minlanadi:
- talabalarning ma’ruza va seminar mashg‘ulotlari va mustaqil ta’lim mobaynida olgan nazariy bilimlarini ma’lum bir mavzu yoki muammo bo‘yicha chuqurlashtirish;
- o‘quv va ilmiy adabiyotlardan mustaqil o‘rganish, axborot to‘plash tajribasini hosil qilish;
- iqtisodiy tahlil, jumladan, qiyosiy tahlil qilish, iqtisodiy jarayonlarni baholash hamda ilmiy xulosalar chiqarish ko‘nikmalarini shakllantirish.
Kurs ishi ustida ishlash, shuningdek talabalarni kelajakda bitiruv malakaviy ishlarini tayyorlash bo‘yicha zarur bilim va ko‘nikmalarni hosil qilishga ham yordam beradi.

2. Kurs ishini tashkillashtirish.

2.1. Ishning mavzusini tanlash.

“Korxonalar iqtisodiyoti va menejmenti” fani bo‘yicha kurs ishi mavzusi ushbu uslubiy qo‘llanmada tavsiya sifatida keltirilgan mavzular ro‘yxatidan tanlab olinishi mumkin. Shuningdek, kafedra bilan kelishilgan holda, mazkur ro‘yxatga kiritilmagan boshqa bir dolzarb mavzu ham kurs ishi uchun talaba tomonidan tanlanishi mumkin.
Kurs ishi mavzusini tanlashda, talabaning qiziqishi sohasi, tanlangan mavzuning dolzarbliligi, ilmiy va statistik axborot bazasining mavjudliligi, mavzuning aynan “Korxonalar iqtisodiyoti va menejmenti” fani predmeti doirasida bo‘lishiga e’tibor qaratiladi.

2.2. Ishning rejasini tuzish va bajariladigan ishlarni nazorat qilish.

Kurs ishining rejasi talaba tomonidan kafedra tomonidan biriktirilgan ilmiy rahbar bilan maslahatlashgan holda tuzilishi kerak. Kurs ishning tayrlangan rejasi kafedra mudiri yoki uning yordamchisidan tasdiqlatib olinishi lozim.
Kurs ishida belgilangan reja topshiriqlarini bajarilish muddatlari ilmiy rahbar tomonidan talabaga belgilab beriladi.
Talaba tasdiqlangan rejaga qat’iy amal qilishi, unda belgilangan vazifalarni (reja savollarini) bosqichma-bosqich hamda ilmiy rahbar nazoratida amalga oshirishi kerak.