Iqtisodiy tahlilning turlari, shakllari va ularning axborot manbalari

Istiqbol tahlili deganda, xo’jalik yurituvchi subyektning kelgusi faoliyatini oldindan o’rganish, bo’ladigan jarayonlarni oldindan belgilash maqsadida amalga oshiriladigan tahlil tushuniladi. Masalan, xo’jalik yurituvchi subyekt biznes-rejani tuzish uchun o’z faoliyatini nima bilan yakunlashi to’g’risida aniq tushuncha va ko’rsatkichlarga ega bo’lishi kerak. Bu esa istiqbol tahlili orqali amalga oshiriladi. Hozirgi paytda uni loyiha tahlili, ham deb atamoqdalar.

Iqtisodiy tahlil shakllari
Shakllari	Mazmuni
1. Kompleks tahlil	Xo’jalik yurituvchi subyekt faoliyatini makon va zamon nuqtai nazaridan barcha tuzulmalari bilan birga batafsil tahlil qilishdir
2. Solishtirish tahlili	Xo’jalik yurituvchi subyektlar faoliyatini yaxlit holda alohida tuzulmalari yoki mavzularini baho va vaqt jihatidan solishtiriladigan holatga keltirilib amalga oshiriladigan tahlildir
3. Omilli tahlil	Xo’jalik faoliyati natijasiga ta‘sir qiluvchi omillarni aniqlash va ularning ta‘sirini hisbolash usullari majmuasini o’zida aks ettirgan tahlildir
4. Marjinal tahlili	Barcha xarajatlarni doimiy va o’zgaruvchi xarajatlarga bo’lib ishlab chiqariladigan mahsulotlarning (bajariladigan ish, ko’rsatiladigan hizmat) biznesda ko’ zda tutilgan foydaga erishish uchun zarur bo’lgan miqdorini aniqlash va samaradorligini oshirishga qaratilgan tahlildir
5. Stoxastik tahlil	Xo’jalik faoliyatida natija va omillar o’rtasidagi bog’liqlik, funksional bog’liq bo’lmagan sharoitda, ularning bog’liqligini o’rganishga qaratilgan tahlildir