Iqtisodiy-ijtimoiy geografiya fanidan atamalar to’plami: Obyektivlik

Глобал шаҳар (global city) - Бу дунё ҳамжамиятининг таркибий тузулмаларига чуқур интеграциялашган ва глобал шаҳар тармоқларида ўзаро ҳамкорлик натижасида ривожланишга оид ресурсларга таянадиган пост индустриал марказ. Ушбу атама биринчи марта ўтган асрнинг 90- йилларнинг бошларида пайдо бўлган. Чикаго университети профессори Саския Сассеннинг илмий ишларида глобаллашув шароитида шаҳар тузилмалари шаклланишининг ўзига хос хусусиятлари ва узоқ вақтдан бери ишлатиладиган "Дунё шаҳарлари" га алтернатива сифатида ишлатилган. Глобал шаҳарлар иқтисодий, сиёсий, маданий марказ вазифаларни голобал кўламда бажаради. Масалан Лондон, Нью-Йорк, Париж и Токио.

Чорвачилик – қишлоқ хўжалигининг бир тармоғи, унинг технологияси гўшт, сут, жун ва бошқа чорва махсулотларини етишириш учун қишлоқ хўжалиги ҳайвонларини кўпайтиришга асосланган.

Бренд ҳудудлар – бошқа ҳудулардан ўзининг жозибадорлиги ва рақобатбардошлиги билан ажралиб турадиган ҳудуд. Ҳудудларнинг бренди ҳудуд ҳақидаги хилма- хил ғояларни ўз ичига олади: унинг функционал ва моддий хусусиятлари, қадрятлар ва у билан боғлиқ ҳиссий тажрибалар ҳақидаги қарашларни қамраб олади. Бренд ҳудудлар – унинг ташқи исътемолчилари (туристлар, инвесторлар) онгида яхши таъссурот қолдиради

Бренд ҳудудларни товарлар логотипи (савдо белгиси), герби, рамзи ва ҳудуднинг ўзига хос хусусиятларини акс эттиришнинг бошқа воситалари билан чалкаштирмаслик керак

Геомаданий макон – маданият географиясининг асосий тушунчаларидан ҳисобланади. Шунингдек, геомаданий ҳодисалар, жараёнлар ва объектларнинг мавжудлигини умумбашарий ва тан олинадиган шаклларини, улар оарсидаги муносабатлар тизимини тавсифловчи концептуал категория.

Маданий география геомаданий маконни икки хил жиҳатдан кўриб чиқади: 1)Маданият географияси учун анъанавий – географик маконда маданиятни ўрганиш: маданий элементларнинг маконда тарқалишини ўрганиш (артифакт ва ментифакт), уларнинг ландшафтларда намоён бўлиши ва географик мухит билан ўзаро боғлиқлиги. 2) Маданият географияси учун янги йўналиш геомаданий макон энг муҳум соҳалари қуйидагилардан иборат: турли маданиятлар ва маданий контекстларда географик макон ҳақидаги ғояларни тавсифловчи ўзига хос хусусиятларини аниқлаш; турли жойлар ва ҳудудларнинг маданий макон хусусиятларини тавсифлаш ва таққослаш

Аэропорт - самолетнинг қўниш ёки учишни амалга оширадиган қуруқлик ёки (акватория зонаси) майдони. Аэродромдан фарқли ўлароқ, аэропортда йўловчилар терминали ва самолетларга хизмат кўрсатадиган махсус аэропорт хизматларига эга иншоотлар йиғиндиси тушунилади. Аэропортлар авиатерминал биноларидан (йўловчилар ва юклар келиб тушадиган ҳамда юк ва йўловчилар терминаллари), аэродром (учиш – қўниш йўлаги) ва шунингдек, самолетлар иш фаолияти учун хизмат қилувчи объеклар ва йўловчиларга хизмат кўрсатиш (кутиш заллари, таъмирлаш, омборлар, ангарлар, ёнилғи омборлари)ни ўз ичига олади. Аксарият дунё аэропортларида аниқ учиш – қўниш йўлаклари мавжуд. Энг йирик аэропортларлада 3-6 ихтисослашган терминаллардан (халқаро, келиш учиш йўлаклари) ва 2-4 учиш қўниш йўлаги ва хизмат кўрсатиш муассасаларидан иборат бўлади. Энг кўп терминалларга эга бўлган аэропортлар Нью-Йорк – Дж.Ф. Кеннеди (8), Чикаго – О-Хэйр (5), Лондон – Хитроу (5), Мадрид – Барахас (4), Париж – Руасси – Шарль-де-Голль (3).