Iqtisodiy bilim asoslari

15
14
15
1. O‘quv qurollari do‘koniga kirdingiz. Cho‘ntagingizda 200 so‘m pul bor. Pulingiz bitta 
daftar yoki bitta ruchka olishga yetadi. Siz bu narsalarning qaysi birini sotib olgan bo‘lar 
edingiz? Nima sababdan? Tanlovingizning muqobil qiymati nimadan iborat bo‘ladi?
2. Kechqurun televizordan bir vaqtning o‘zida sport kanalidan “O‘zbekiston”
va 
“Yaponiya” terma jamoalari o‘rtasida futbol, 2-kanaldan esa “Zakovat” intellektual 
o‘yini boshlanib qoldi. Siz qaysi kanaldagi ko‘rsatuvni tomosha qilar edingiz? Bu 
holatda tanlovingizning muqobil qiymati nimaga teng bo‘ladi? 
3. Nima sababdan odam uchun tanlovning muqobil qiymatini bilish zarur deb o‘y-
laysiz?
4. Aytaylik, tumaningiz markazida bo‘sh yer maydoni bor. Hokimiyat bu yerga kasalxona, 
bozor, tennis korti yoki maktab qurishi mumkin. Afsuski, bu maydonga faqat bitta 
muassasani qurish mumkin. Ikkinchi tomondan esa, hokimiyatning faqatgina bitta 
muassasani qurishga mablag‘i bor. Tanlash imkoniyati sizga berilganda edi, siz nimani 
qurishga qaror qilgan bo‘lar edingiz? Tanlovingizni asoslang va uning muqobil qiymatini 
aniqlang.