Iqtisodiy bilim asoslari

NARXLARNING RAG‘BATLANTIRISH VAZIFASI
Narxlarning o‘zgarishi bozor iqtisodiyotida resurslarni ko‘chirish yoki qayta taqsimlash 
uchun rag‘batlar hosil qiladi. Soya o‘simligining narxi makkajo‘xori narxiga nisbatan 
ortishi fermerlarni ko‘proq soya o‘simligi va kamroq makkajo‘xori ekishga da’vat etadi. 
Huquqshunoslar maoshi hisobchilarnikiga nisbatan kamligi kamroq odamlarning huquqni 
va ko‘proq odamlarning buxgalteriyani o‘rganishiga sabab bo‘ladi. Erkin bozorda foydaning 
ortishi resurslarni jalb qiladi va ayni paytda zararning ortishi bunga qarama-qarshi natijaga 
sabab bo‘ladi. Foyda iqtisodiy hayotning yashil chiroqlari, zarar esa qizil chiroqlaridir. 
Yaxshi ishlaydigan yo‘l harakati nazorati tizimi ham yashil, ham qizil rangning bo‘lishini 
talab qilganidek, yaxshi ishlaydigan bozor tizimi uchun ham foyda, ham zararning mavjud 
bo‘lishi zaruriyatdir.