Iqtisodiy bilim asoslari

DAVLAT BUDJETI KAMOMADI VA PROFITSITI

Odatda, davlat budjetining daromad va xarajat qismlari o‘zaro teng bo‘lmaydi. 

Ko‘pincha,  daromadga  qaraganda  xarajat  ko‘proq  bo‘ladi.  Davlat  budjetining 

xarajatlari va daromadlari o‘rtasidagi musbat farqni budjet kamomadi deb atashadi. 

Yillar davomida jamlanib kelingan budjet kamomadining jami miqdori davlat qarzini 

tashkil qiladi. Davlat qarzi ichki va tashqi qarz ko‘rinishda bo‘lishi mumkin. Ichki 

qarz davlatning o‘z fuqarolari, firma va tashkilotlari oldidagi majburiyatlari bo‘lsa, 

tashqi qarz chet el davlatlari, xalqaro banklar va moliyaviy muassasalar oldidagi 

qarzidir. Davlat budjetining daromadlari xarajatlaridan ortiq bo‘lgan holda davlat 

budjeti profitsiti yuzaga keladi.