Iqtisodiy bilim asoslari

VALUTA KURSI QANDAY ANIQLANADI? 

Ikki davlat bir-biri bilan import–eksport savdo-sotiq aloqalarini olib borar

ekan, birinchi davlatning ikkinchi davlat valutasiga, ikkinchi davlatning birinchi

davlat valutasiga ehtiyoji paydo bo‘ladi. Bu esa har bir davlat valutasiga nisbatan,

xuddi tovarlarga bo‘lgandek, talab va taklifni keltirib chiqaradi. Davlat valutasining

kursi  unga  bo‘lgan  talab  va  taklifga  nisbatan  shakllanadi.  Davlatdan  eksport

qilinadigan tovarlar hajmiga qarab, davlat valutasiga bo‘lgan talab shakllanadi.

Davlatdan ko‘p tovar eksport qilinsa, davlatning valutasiga bo‘lgan talab ham

oshadi.  Davlat  valutasining  taklifi  esa  bu  davlatning  boshqa  davlatdan  sotib

olmoqchi bo‘lgan import tovarlarining hajmidan kelib chiqib shakllanadi. Davlat

uchun qancha ko‘p import tovarlari kerak bo‘lsa, davlat valutasining taklifi ham

shuncha ko‘p bo‘ladi.