Iqtisodiy bilim asoslari

O‘ZBEKISTON RESPUBLIKASI VA KOREYA RESPUBLIKASINING 

IQTISODIY MUNOSABATLARI

O‘zbekiston  Respublikasi  va  Koreya  Respublikasi  o‘rtasidagi  iqtisodiy

munosabatlarni  muvaffaqiyatli  xalqaro  iqtisodiy  munosabatlarga  namuna  qilib

ko‘rsatsa  bo‘ladi.  Janubiy  Koreya  O‘zbekistonning  eng  yirik  xalqaro  savdo

hamkorlaridan biridir.

Ikki mamlakat o‘rtasidagi o‘zaro savdo hajmi yil sayin ortib bormoqda.

2013- yil natijasi bo‘yicha o‘zaro savdo aylanmasi 2,121 mlrd AQSH dollarini

tashkil qildi. Janubiy Koreya bilan iqtisodiy hamkorlikning asosiy yo‘nalishi bo‘lib

yangi va modernizatsiya qilinayotgan korxonalarga zamonaviy texnologiyalarni

jalb qilish hisoblanadi.

Hozirgi davrda O‘zbekiston Respublikasi va Koreya Respublikasi o‘rtasida

200 dan ortiq kelishuvlar imzolangan.

Koreya Respublikasi O‘zbekistonning eng yirik investorlaridan biridir. So‘nggi

yillarda  Davlat  investitsion  dasturi  doirasida  1,5  mlrd  AQSH  dollariga  teng

investitsiyalar o‘zlashtirildi.

O‘zbekistonda 418 ta Janubiy Koreya kapitali ishtirokidagi korxona faol ish

olib bormoqda. Shundan 70 tasi yuz foizlik Janubiy Koreya kapitaliga asoslangan

korxonalardir. Bu korxonalar, asosan, yengil, tog‘-kon, metallurgiya, kimyo, oziq-

ovqat sanoati, mashinasozlik, metallni qayta ishlash, savdo-sotiq, uy-joy kommunal

xo‘jaligi, sog‘liqni saqlash, turizm va xizmat ko‘rsatish sohalarida faoliyat yuritmoqdalar.

O‘zbekiston Respublikasi va Koreya Respublikasi strategik hamkorlardir va

har  tomonlama  o‘zaro  manfaatli  hamkorlikni  rivojlantirishga  katta  ahamiyat

beradilar.  Ushbu  maqsadda  mamlakatlar  istiqbolda  avtomobilsozlik,  qishloq

xo‘jaligi mashinasozligi, elektrotexnika sanoati sohalarida hamkorlikni kuchaytirish

harakatidalar.

1. Mamlakatlar tashqi savdoni nima sababdan cheklashga majbur bo‘ladilar?

2. Tashqi savdoni qanday usullar bilan cheklash mumkin?

3. Tashqi savdoni cheklashga qaratilgan har bir chora-tadbirning ijobiy va salbiy

tomonlarini tahlil qiling.

4.  Tashqi savdoni cheklashdan kim zarar va kim foyda ko‘radi?