Iqtisodiy bilim asoslari 8

Mehnat unumdorligi
— resurs birligidan foydalanib, ishlab chiqarilgan 
mahsulot miqdori.
Moddiy kapital
— jamg‘arilgan daromadning moddiy mulkka aylangan 
qismi va pul mablag‘lari.
Moliya bozori
— pul va qimmatli qog‘ozlar oldi-sotdi jarayonlari amalga 
oshiriladigan bozor.
Monopoliya
— muayyan tovar turi yakka ishlab chiqaruvchi yoki sotuvchi 
tomonidan sotiladigan, boshqa sotuvchilarning kirishi o‘ta qiyin bo‘lgan 
bozor holati.
Mulk
— odamlar tomonidan o‘zlashtirilgan va egalik qilish mumkin bo‘lgan 
barcha narsalar.

---

137
136
137
N
Mulkdor
— mulkka egalik qiluvchi shaxs.
Muqobil imkoniyat
— birini tanlaganda boshqasidan voz kechiladigan 
imkoniyat.
Murosali tanlov
— bir vaqtning o‘zida bir necha imkoniyatlardan qisman-
qisman foydalanish.
Muvozanat miqdor
— tovarning bozor muvozanat narxiga mos talab (yoki 
taklif) miqdori.
Narx
— bir birlik tovar yoki xizmat uchun xaridor to‘lashga, sotuvchi esa 
uni sotishga rozi bo‘lgan pul miqdori.
Narxlar vositasida raqobatlashish
— tovar narxini tushirish yoki oshirish 
yordamida raqobatchilarga ta’sir ko‘rsatish.
Narxlar vositasisiz raqobatlashish
— tovar narxini o‘zgartirmasdan, 
uning sifatini yaxshilash, reklamani kuchaytirish kabi omillar orqali 
raqobatchilarga ta’sir ko‘rsatish.
Natsionalizatsiya
— xususiy mulkni davlat mulkiga aylantirish.
Nominal daromad
— daromadning pul shaklidagi ifodasi.
Normal tovarlar
— aholi daromadining oshishi bilan talab oshadigan tovar-
lar.
Oila budjeti
— oilaning ma’lum davrga rejalashtirilgan daromad manbalari 
va xarajatlari hisob-kitobi.