Iqtisod-moliya

Mehnat gigiyenasi
Mehnat faoliyati odam organizmiga o‘zining u yoki bu 
darajada ta’sirini ko‘rsatadi. Ish joyida salbiy muhit, chang, 
shovqin, turli xil zaharli moddalar, radiatsiya, shamol, atmosfera 
bosim va boshqa omillar inson organizmiga salbiy ta’sirini 
ko‘rsatadi, natijada turli xil kasb kasalliklari vujudga keladi. 
Tananing majburan bir joyda bir holatda uzoq vaqt turishi bilan 
bog‘langan kasb kasalliklariga yassitovon, churralar, bachadon 
va qin tushishi, varikoz kengayishlar, skolioz kabilar kirsa, 
ishlab chiqarish shovqini titrash tufayli vibratsiya kasalligi, 
chang zarralari nafas yo‘llari kasalliklari rivojlanishiga olib 
keladi.
Mehnat insonga hayot baxsh etadi. Azal-azaldan ko‘pgina 
kasalliklar sil, ruhiy kasalliklar, alkogolizm va boshqalarni 
davolashda mehnatdan foydalanib kelingan. Mehnat qilgan 
inson o‘zida dam olishga ehtiyoj sezadi. Lekin dam olish, 
maishat qilish emas, balki, o‘ziga mos organizm uchun kerak 
dam olish turlarini tanlash ham bir san’atdir.