Iqtisod 9 sinflar Mavzu: Tadbirkorlik

inflatsiya sabablari Inflatsiya quyidagi sabablarga ko'ra kelib chiqishi mumkin:

1. Davlat va firmalarning mamlakatda ishlab chiqarilayotgan tovar va xizmatlar qiymatiga qaraganda ko'p pul xarajat qilishlari oqibatida. Bu holatda tovar va xizmatlarga bo'lgan yalpi talab miqdori mamlakat iqtisodiyoti tomonidan taklif etilayotgan tovar va xizmatlar miqdoridan ko'p bo'ladi. Shu bois narxlar oshadi.

2. Tovarni ishlab chiqarish uchun zarur resurslar (mehnat va xomashyo) narxlarining oshishi natijasida. Masalan, mehnat resurslarining narxi, ya'ni ish haqi oshirilsa, bir tomondan tovarning narxi oshadi (chunki, ish haqi tovarning tannarxiga kiradi), ikkinchi tomondan esa aholi qo'lidagi pul massasi oshadi.

Inflatsiyani jilovlab turish juda mushkul ish. Bu ish davlatning eng asosiy iqtisodiy vazifalaridan biri hisoblanadi. Inflatsiyani nazoratdan chiqarib yuborish, uning o'sib gipeiinflatsiyaga aylanishiga olib kelishi mumkin. Giperinflatsiya deb narx-navoning haddan tashqari oshishiga aytiladi. Giperinflatsiya paytida narxlar yiliga 50 baravardan ham ko'proq ko'tarilishi kuzatiladi.

Giperinflatsiya - mamlakatda o'rtacha narx-navoning haddan tashqari (yiliga 50 baravardan ham ko'p) oshish jarayoni.

Mashq Oila yillik xarajatlarining 60 % ni tashkil qiluvchi oziq-ovqatlar narxi yil davomida 80 % oshdi. Agar boshqa xarajatlar narxi o'zgarmagan bo'lsa, bu oila uchun yillik inflatsiya darajasi necha foizni tashkil qiladi?