Iqtidorli talabalar reytingi

Loyiha asoschisi: Nigmatov Alisher Xayrulla o‘g‘li
TVCHDPI “Gumanitar fanlar” fakulteti
“Tarix o‘qitish metodikasi” yo‘nalishi 4-bosqich 18.1 talabasi


LOYIHA
“IQTIDORLI TALABALAR REYTINGI”

Mazkur loyiha “Iqtidorli talabalar reytingi” deb nomlandi. Bu loyihaning maqsadi talabalar orasida ilm-fanni yanada rivojlantirish, talabalarni fan sohasiga chuquroq yo‘naltirishdan iborat bo‘lib, yosh olimlar jamosini shakllantirishdir. Loyihada talabalarni moddiy va ma’naviy rag‘batlantirish ham ko‘zda tutilgan

Loyiha orqali institut miqyosidagi ilm-fanga qiziquvchi talabalarni jamlab olish loyihaning maqsadlaridan biri.
Talabalarning ilm-fanga yo‘naltirish uchun har bir yo‘nalishlarga to‘garaklar yoki klublar tashkil etish;
Klub yoki to‘garak a’zoligi barcha bosqichlarni (mutaxassis va nomutaxassis yo‘nalishlari ham a’zo bo‘lishlari mumkin) o‘z ichiga oladi. To‘garakni tashkil etish kafedralar zimmasiga yuklatiladi. Nazorati esa fakultet o‘quv ishlar bo‘yicha dekan o‘rinbosari zimmasiga yuklatiladi. Umumiy hisobotlar ilmiy ishlar va innovatsiyalar bo‘yicha prorektor va Yoshlar masalalari va ma’naviy-ma’rifiy bo‘yicha birinchi prorektorlarga taqdim etiladi.


LOYIHANING ASOSIY TASHKILI QISMI
Iqtidorli talabalar reytingining tashkil etilishidan maqsad – talabalar ilmiy faoliyatini yanada qo‘llab quvvatlash;
Iqtidorli talabalar reytingining faoliyat tartibi – har bir talaba erishgan yutuqlari: talaba muallifligida kitob, maqolalar (Scopus, OAK, xalqaro, respublika miqyosida nashr etilganligiga qarab hisoblanadi), sertifikatlar, faxriy yorliq, tanlovlarda ishtiroki va hokazo. reytingga kiritiladi va hisoblanadi.
Iqtidorli talabalar reytingining kimlar o‘rtasida o‘tkaziladi – talabalar raqobat 2-,3-,4-bosqich talabalari orasida bo‘lib o‘tadi. Har bir talaba o‘zining bosqichi bo‘yicha bellashadi. 2-bosqichlar institutning barcha 2-bosqichlari o‘rtasida bellashadilar. 3-bosqichlar institutning barcha 3-bosqichlari o‘rtasida bellashadilar. 4-bosqichlar institutning barcha 4-bosqichlari o‘rtasida bellashadilar.