Ипотека кредити механизмларини такомиллаштиришга оид қўшимча чора-тадбирлар тўғрисида

1.
Ўзбекистон Республикаси Президентининг “Ипотека кредити механизмларини такомиллаштиришга оид қўшимча чора-тадбирлар тўғрисида”ги ПФ-5886-сонли Фармонига асосан қишлоқ жойларда 20 йилга 10 % бошланғич тўлов шарти билан икки хонали хонадонга 174 млн. сўмдан 240 млн. сўмгача, уч хонали хонадонга 224 млн. сўмдан 310 млн. сўмгача ипотека кредити ажратилиши белгиланган (бунда, тижорат банклари томонидан қишлоқ жойларда йиллик 18 % ипотека кредити ажратилади).
Бугунги кунда “Қишлоққурилишинвест” МЧЖнинг ҳисоб-китобига кўра, қишлоқ жойларда қурилаётган кўп қаватли уйлардаги 2 хонали хонадоннинг майдони 42,8 кв.м. бўлиб, шундан 1 кв.м. нархи 3 050 000 сўмни ташкил қилади (умимий нархи 130 340 000 сўм) , 3 хонали хонадоннинг майдони 52,8 кв.м бўлиб, шундан 1 кв.м нархи 3 050 000 сўмни ташкил қилади (умумий нархи 161 040 000 сўм).

2.
ПФ-5886-сонли Фармонга асосан шаҳар жойларда 20 йилга 20 % бошланғич тўлов шарти билан, икки хонали хонадонга 180 млн. сўмдан 240 млн. сўмгача, 3 хонали хонадонга 232 млн. сўмдан 320 млн. сўмгача ипотека кредити ажратилиши белгиланган (тижорат банклари томонидан шаҳар жойларда йиллик 20-21 % ипотека кредити ажратилади).

Бугунги кунда “Шаҳарқурилишинвест” МЧЖнинг ҳисоб-китобига кўра, шаҳар жойларда қурилаётган кўп қаватли уйлардаги 2 хонали хонадоннинг майдони 50-56 кв.м. бўлиб, шундан 1 кв.м нархи 4 300 000 сўмни ташкил қилади (умимий нархи 215 000 000 - 240 800 000 сўм) , 3 хонали хонадоннинг майдони 60-64 кв.м. бўлиб, шундан 1 кв.м. нархи 4 300 000 сўмни ташкил қилади (умумий нархи 258 000 000 – 275 200 000 сўм).