Investitsiyalar auditi va baholash

Lizingga beruvchining daromadi
- lizing to’lovlari bilan lizing ob’ektini 
sotib olish, uni etkazib berish va belgilangan maqsadda foydalanish uchun yaroqli 
g’olga keltirish xarajatlari o’rtasidagi farq sifatida aniqlanadigan, lizingga beruvchi 
tomonidan lizing operatsiyasini amalga oshirish natijasida oladigan daromadidir. 
Diskontlash
- kelajakda aniq bir vaqtda olinishi kutilayotgan pul 
mablag’larining joriy ekvivalentini aniqlash. 
Diskont stavkasi vaqtning har xil paytiga taalluqli bo’lgan pul summalarini bir 
vaqtga (paytga) keltirishda foydalanadigan stavka. 

---

125 
Nomoddiy aktivlar
- korxona tomonidan ulardan ishlab chiqarish, ishlar 
bajarish, xizmatlar ko’rsatish yoki tovarlarni sotish jarayonida foydalanish 
maqsadida yoxud ma’muriy va boshqa funktsiyalarni amalga oshirish uchun uzoq 
muddat mobaynida tutib turiladigan, moddiy-ashyoviy mazmunga ega bo’lmagan 
mol-mulk ob’ektlari. 
Amortizatsiya
- foydali xizmat muddati mobaynida nomoddiy aktivning 
amortizatsiyalanadigan qiymatini uning vazifasidan kelib chiqqan holda mahsulot 
(ishlar, xizmatlar) tannarxiga yoki davr xarajatlariga muntazam taqsimlash va 
kiritish; 
 Amortizatsiyalanadigan qiymat
- taxmin qilinayotgan (baholangan) 
tugatish qiymatini chegirgan holda aktivning boshlang’ich (tiklash) qiymati 
summasi; 
 Foydali xizmat muddati
- korxona tomonidan aktivdan foydalanish ko’zda 
tutilgan davr yoki korxona ushbu aktivdan foydalanishdan olishni mo’ljallayotgan 
mahsulot (ishlar va xizmatlar) miqdori; 
 Boshlang’ich qiymat
- nomoddiy aktivlarni yaratish (ishlab chiqish) yoki 
sotib olish bo’yicha haqiqatda amalga oshirilgan xarajatlar qiymati (pul 
mablag’lari yoki ularning ekvivalentlarining summasi yoxud boshqa to’lovlarning 
joriy qiymati), shu jumladan to’langan va qoplanmaydigan soliqlar (yig’imlar), 
shuningdek aktivni undan maqsadga ko’ra foydalanish uchun ishga yaroqli holatga 
keltirish bilan bevosita bog’liq bo’lgan boshqa xarajatlar qiymati;