Internet xizmatlarini taqdim etish va tarifikatsiyalash

1.7. Texnologik cheklovlar
1.7.1. Operator tomonidan tasdiqlangan barcha tarif rejalarida (agar tarif shartlarida boshqacha 
ko‘rsatilmagan bo‘lsa) Internetga ulanishning kirish tezligi ko‘rsatib o‘tilgan, chiqish tezligi 
ulanish texnologiyasiga qarab kiruvchi tezlikdan farq qilishi mumkin. 
1.7.2. Internetga keng polosali ulanish xizmatlarining ulanishi texnik imkoniyatlar va tegishli 
yakuniy uskunalar mavjud bo‘lgandagina amalga oshiriladi. 
1.7.3. Maʼlumot uzatish tarmog‘i orqali, shu jumladan Internetga kirishning haqiqiy tezligi tarif 
rejasida eʼlon qilingan tezlikdan farq qilishi mumkin va ushbu holat abonent tomonidagi 
uskunaning konfiguratsiyasi, boshqa tarmoqlar egalari tomonidan o‘rnatilgan o‘tkazuvchanlik 
imkoniyati cheklovlari, serverlar va Operatorga bog‘liq bo‘lmagan boshqa tashqi omillar bilan 
bog‘liqdir. 
1.7.4. Bir xil narxdagi tarif rejalarida Internet, “Uz-IX” va “TAS-IX” tarmoqlariga kirish 
imkoniyati ulanish texnologiyasiga qarab, yuqori yoki past tezlikda Operator tomonidan taqdim 
etilishi mumkin. 
1.7.5. Telekommunikatsiya tarmoqlarini rivojlantirish va modernizatsiya qilish joylari Operator 
tomonidan tasdiqlangan rejalar va infratuzilmadan oqilona foydalanish asosida mustaqil ravishda 
belgilanadi.