Intensiv kurs

Vositali to‘ldiruvchi

1. Ko‘makchi orqali shakllangan vositali to‘ldiruvchini toping.

A) Hamma ustozlar yaxshi fikr bildirdilar. B) Maktabimiz direktori a’lo o‘qish, intizom to‘g‘risida gapirdi. C) Bu kitobni ukamga oldim. D) Kuzning oltin barglari suv yuzida suzar edi.

2. Qanday to‘ldiruvchilar vositali to‘ldiruvchi sanaladi?

A) belgisiz tushum kelishigi shakli bilan ifodalangan to‘ldiruvchi B) belgili tushum kelishigi shakli bilan ifodalangan to‘ldiruvchi C) belgili va belgisiz tushum kelishigi shakllari bilan ifodalangan to‘ldiruvchi D) jo‘nalish, o‘rin-payt, chiqish kelishigi shakllari yoki ko‘makchilar bilan ifodalangan to‘ldiruvchi

3. O‘rin-payt kelishigi bilan ifodalangan so‘z gapda qanday to‘ldiruvchi bo‘lishi mumkin?

A) vositali to‘ldiruvchi B) vositasiz to‘ldiruvchi C) o‘rin-payt kelishigi bilan ifodalangan so‘z gapda doim o‘rin holi vazifasida keladi D) belgili qo‘llangan vositasiz to‘ldiruvchi

4. Qaysi gapdagi kelishikli to‘ldiruvchini ko‘makchili to‘ldiruvchiga almashtirib bo‘lmaydi?

A) Qishloqqa avtobusda ketadigan bo‘ldim. B) Xat qizil qalamda yozilgan edi. C) Bekorchidan xudo bezor. D) Sayohat vaqtida ko‘rganlarimdan batafsil gapirdim.