Intensiv kurs

Mustahkamlash

1. Quyidagi fikrlardan qaysi biri noto‘g‘ri?

A) ega ergash gapli qo‘shma gaplarda ergash gap bosh gapdan oldin yoki keyin kelishi mumkin B) to‘ldiruvchi ergash gapli qo‘shma gaplarda ergash gap bosh gapdan oldin yoki keyin kelishi mumkin C) kesim ergash gapli qo‘shma gaplarda ergash gap bosh gapdan oldin yoki keyin kelishi mumkin D) hol ergash gapli qo‘shma gaplarda ergash gap bosh gapdan oldin yoki keyin kelishi mumkin

2. Masalaning mohiyati shu ekanki, bosh vrach qabulxonasiga kichkina telefonogramma tushibdi. Ushbu gap turini aniqlang.

A) ega ergash gapli qo‘shma gap B) to‘ldiruvchi ergash gapli qo‘shma gap C) aniqlovchi ergash gapli qo‘shma gap D) kesim ergash gapli qo‘shma gap

3. Qumri qarasa, onasining qolgan qora sochlari ham bir kechada oqarib, ajinlari ko‘payib ketibdi. Hol ergash gap turini aniqlang.

A) payt ergash gap B) o‘rin ergash gap C) shart ergash gap D) sabab ergash gap

4. 1. Hurmat qilsang, hurmat ko‘rasan. 2. Yaqin borib qarasa, qoraygan yerda bolalar ko‘ylagiga qadaladigan o‘n-o‘n beshta tugma sochilib yotibdi. 3. Qumri qarasa, onasining qolgan qora sochlari ham bir kechada oqarib, ajinlari ko‘payib ketibdi. 4. Jahl kelsa, aql ketar. 5. Do‘stimga tushgan xavf meni ham tahlikaga solmas ekan, bu chinakam do‘stlik emas. Mazkur hol ergash gapli qo‘shma gaplarning qaysilarini payt ergash gap sifatida baholab bo‘lmaydi?

A) 1, 5 B) 1, 3, 5 C) 5 D) 1, 2, 5

4-DARS. BOG‘LOVCHISIZ QO‘SHMA GAPLAR. MURAKKAB QO‘SHMA GAPLAR. (62-78-betlar)

Reja:

1. Bog‘lovchisiz qo‘shma gap haqida ma’lumot.

2. Qo‘shma gap turlarining ma’nodoshligi.

3. Mustahkamlash.

4. Murakkab qo‘shma gap haqida ma’lumot.

5. Bir necha ergash gapli murakkab qo‘shma gaplar.

6. Bir necha bosh gapli murakkab qo‘shma gaplar.

7. Aralash murakkab qo‘shma gaplar.

8. Qismlari uyushgan murakkab qo‘shma gaplar.