Integratsiyalashgan o`yinli ta`limiy faoliyat orqali maktabgacha yoshdagi bolalarni maktab ta`limiga sifatli tayyorlash reja

INTEGRATSIYALASHGAN O`YINLI TA`LIMIY FAOLIYAT ORQALI MAKTABGACHA YOSHDAGI BOLALARNI MAKTAB TA`LIMIGA SIFATLI TAYYORLASH

REJA:

• Maktabgacha yoshdagi bolalarini maktab ta`limiga tayyorlashning huquqiy asoslari.
• Integratsiyalashgan o`yinli ta`limiy faoliyat orqali maktabgacha yoshdagi bolalarni maktab ta`limiga tayyorlash yo`llari.
• Bolalarni maktab ta`limiga tayyorlash yo`nalishlari.

Maktabgacha yoshdagi bolalarini maktab ta`limiga tayyorlashning huquqiy asoslari

Maktabgacha ta’lim-tarbiya – har bir bolaga individual yondashish, uni shaxs sifatida hurmat qilish, ma’naviy-axloqiy tomondan tarbiyalash, bolaning qiziqish va ehtiyojiga mos tarzda ta’lim berishni nazarda tutadi. Zero, shaxs sifatida shakllangan, kamol topgan bola o‘zini, o‘zligini taniydi va kelajakda millatning, yurtning faxriga aylanadi.

O‘zbekiston Respublikasi Vazirlar Mahkamasining “Maktabgacha ta’lim tashkilotlari faoliyatini yanada takomillashtirish chora-tadbirlari to‘g‘risida”gi 391-sonli qarorida maktabgacha ta’lim tashkilotlari oldiga bolalarga, shu jumladan, o‘ziga xos ehtiyojlari bor bolalarga yakka tartibda ta’lim dasturlaridan foydalanish, shuningdek, o‘z vaqtida inklyuziv maktabgacha ta’lim va tarbiya olish imkonini beradigan qulay muhit yaratish zarurligi aytilgan.