“Integratsion tadbir ijodkori” tanlovi uchun “Matematikani yaxshi ko`raman”

Asosiy g`oya: Matematikaga e’tiborni, mehr-muhabbatni kuchaytirish. Milliy o`zlikni anglash, qadriyatlarni e’zozlashga o`rgatish. Matematika umumbashariy madaniyatning bir qismi ekanligini anglatish.

Shiorimiz: Matematika fanlar ichra shoh, . Uning sirlaridan bo`lingiz ogoh!

1.Boshlovchilar kirish so`zi.

2.Matematikaga oid she’rlar (she’rlarga mos shakllar maketlarini o`quvchilar boshlariga kiyadilar)

3.“Tarixga nazar”, “Matematik terminlar tarixi”, “Ertakchi bolajonlar”

4.“ Matematik sonlar qatnashgan maqollar aytish” musobaqasi ( 2 o`quvchi)

5.“Surxoncha” raqs

6 “Keling bir kulishaylik” (hanggomalar, o`quvchilar ijrosida)

7. “Boshginam og`riydi-yo” matematika oid qo`shiq

8. “Matematikada askiya” ( o`g`il bolalar ijrosida)

9. “So`z oyini” ( 2 nafar qiz bola, 2 nafar o`g`il bola)

10. “Andijoncha” raqs yigitlar ijrosida

11.Mantiqiy savollar . 12. Bir hafta oldin tadbirga 5-8-sinf o`quvchilariga har bir sinfdan 1tadan eng yaxshi ijodiy ko`rgazma, matematika kechaga bag`ishlangan devoriy gazeta tayyorlab kelish e’lon qilinadi.

Yakuniy so`z hamda taqdirlash

Tadbir o`tkazilayotgan joy bayramona bezatiladi: Mavzu yozilgan baner, o`rtada stol ustida bukletlar, geometrik shakllarning maketlari,buyuk allomalarimizning ma’naviy merosi bo`lmish noyob asarlari, davriga qarab, ketma-ketlikda joylashtiriladi. Mashhur kishilarning matematikaga oid fikrlari yozilgan plakatlar ikkita majnuntol daraxtiga ildiriladi.

Tadbir dastlab matematikaga asos solgan buyuk allomalarni slaydlari namoyishi bilan boshlanadi.

Davlat madhiyasi yangraydi. So`ngra sahnaga quvnoq musiqa sadolari ostida milliy kiyingan ikki nafar o`quvchi(boshlovchi) chiqib keladi.