Институти “Умумтехника фанлари” кафедраси

Кинематика иккига бўлиниб ўрганилади:

1. 
   Нуқта кинематикаси
   
2. 
   Қаттиқ жисм кинематикаси.
   

Нуқта кинематикасида қуйдаги икки масала кўрилади:

1. 
   Берилган саноқ системасига нисбатан нуқтанинг харакатини математик усулда аниқлаш.
   
2. 
   Нуқтанинг берилган харакат қунунига кўра мазкур харакатнинг барча кинематик характеристкаларини аниқлаш.
   

Ушбу услубий қўланма назарий механиканинг кинематик бўлимидан талабалар бажариши лозим бўлган К-1 топшириқ,- «Нуқта харакатининг берилган тенгламаларига кўра унинг тезлиги ва тезланишини аниқлаш» мавзуси бўйича ҳисоб лойиҳа ишини бажаришга ёрдам кўрсатишга мўлжаланган бўлиб, кинематиканинг биринчи бўлимига тегишлидир. Бу бўлимни яхши ўзлаштириш учун унинг назарий қисмини ўрганиш билан бир қаторда маълум сондаги масалаларни мустақил ечиш ва ҳисоб лойиҳа ишларини бажариш талаб қилинади. Бу талабаларни бир томондан мустақил ишлашга, иккинчи томондан бўлимнинг асосий назарий хулосаларини мухандислик амалиётида учрайдиган конкрет масалаларга қўлашга ўргатади. Бундан ташқари талабаларга курснинг назарий қисмини яхшироқ ўзлаштиришларига ёрдам беради. Ҳисоб лойиха ишини бажаришга киришаётган талабалар Олий математика курсидан қуйидаги тушунчаларни такрорлашдан бошлашни тавсия қиламиз:
- бир ўзгарувчили функцияларнинг дифференцияли оддий ва муракаб функциянинг (биринчи ва иккинчи тартибли хосиласи)ни;
- бир ўзгарувчили функцияларнинг графикларини кўра билиш ва уларнинг экстремал қийматларини топа билишни;
- эгри чизиқнинг параметрик тенгламалари ва чизиқнинг эгрилик радиуси тушунчалари хақида тасаввурга эга бўлишни;
- эгри чизиққа ўтказилган уринма ва нормал тушунчалари.
Ҳисоб лойиҳа ишининг мустақил равишда ечишга киришишдан аввал масалани ечиш режасини тўла ўйлаб олиш, айни масалани ечиш учун қайси қоида ёки формулалардан фойдаланиш зарурлигини белгилаб олиш керак. Масалага доир чизмаларни масштабга риоя қилган ҳолда яхшилаб чизиб олиш лозим, чунки чизмалар пала-партиш чизилганда ечишда хатоликларга олиб келади. Чизмада координата ўқлари ва айни масалани ечишда учрайдиган тезлик ва тезланишлар векторлари қаламда аниқ ва яхшилаб тасвирланган бўлиши керак.