Институти 5540600 «есмт» йўналишидаги талабалар учун «Тикув маҳсу

Елка тагликларини улаш 
Кийим тайѐрлашда кийимнинг елка қисми кўтарилиброқ, текис туриши учун тепа ел-
ка тагликлар, енгнинг қияма қисми текис туриши учун  қияма тагликлар тайѐрланади. 
Кийим авраси билан астари уланиши олдидан намлаб-иситиб ишлов бергандан кейин 
унинг тепа елка тагликлари ва қияма тагликлари қўйилади. 
Қияма таглик енгнинг қияма қисмига Германия « Пфафф» фирмасининг 3801-1/13 
кл. икки ипли занжирсимон бахяли машинасида уланади. 
Тепа елка тагликнинг ўртаси елка чокига ўртаси тўғри келтирилиб, Германия
«Пфафф» фирмасининг 1-175-Н4-702/01-913/02 кл. моки бахяли машинасида ўтқазилади. 
Бунда тагликнинг ўмиз томондаги чети енг ўмизи қирқимидан 4 мм. чиқиб турадиган қилиб, 
енгнинг ўтқазма чокидан 0,1 см. нарида ўтқазилади, бу чок елка чокидан олд бўлак томонга 

---

96 
6-7 см., орқа томонга 4-5 см. давом этади. Тагликнинг овал қисми елка чокига ѐки борт қо-
тирмасига қўлда 5-6 қавиқ солиб чатиб қўйилади. 
Иситувчи қатламни аврага улаш 
Иситувчи қатлам аврага мослаб текширилади. Бунда иситувчи қатлам елка чокидан 1 
см чиқиб туриши, адипнинг ичкари қирқими тагига 2-2,5 см кириб туриши, ѐн қирқимлари 
эса ѐн чоклардан 2 см. ўтиб туриши керак. Иситувчи қатламнинг борт қирқими яширин 
бахяли машинада борт қотирмасига тикилади. Сўнгра иситувчи қатламнинг ѐн ва елка 
қирқимлари тикилади. Иситувчи қатламнинг ѐн чоклари авранинг ѐн чокларига уланади. 
Бунда енг ўмизининг 8-10 см. пастидан бахяқатор бошланиб, бел чизиғидан 20-25 см. 
пастроқгача давом этади. Мактабгача ѐшдаги болалар кийимларида иситувчи қатламнинг ѐн
чоклари авранинг ѐн чокларига тикиб қўйилмайди. 
Иситувчи қатлам ѐқа ўмизи бўйлаб остки ѐқанинг ўтқазма чокига ѐки орт бўлак қо-
тирмасига (агар остки ѐқа ўмизга бостириб тикилган бўлса) тикилади. Иситувчи қатлам енг 
ўмизларини авра енг ўмизлари қирқимига тўғрилаб қирқилади. Иситувчи қатлам енгларнинг 
ўтқазма чокига енг иситувчи қатламлари билан бирга тўрсимон машинада тикилади. 
Астарнинг этаги аврага уланадиган кийимларда иситувчи қатламнинг этак учи авра-
нинг букиш ҳақи тагига 1-1,5 см. кириб турадиган қилиб, астар этаги аврага уланмайдиган 
кийимларда эса авранинг букиш ҳақи қирқимига 2-3 см. етмайдиган қилиб қирқилади. Орт 
бўлак кесими бор кийимларда иситувчи қатлам қирқимлари авра кесими четлари тагига ки-
ритилиб, кесим қотирмасига яширин бахяли машинада тикилади.