Institutí NÓkis filialí «Veterinariyada kàsip etikaSÌ»

Joqari ta’lim
Joqarı tálim orta arnawlı, kásip-óner tálimi negizine tiykarlanadı hámde eki (bakalavriat hám magistratura ) basqıshqa iye.
Joqarı tálim mákemelerine studentler qabıllaw mámleket grantlari negizinde hám pullıq-shártnamalıq tiykarda ámelge asıriladı.
Bakalavriat qánigelikler baǵdarı boyınsha fundamental hám ámeliy bilim beretuǵın, tálim múddeti keminde tórt jıl dawam etetuǵın tayansh joqarı tálim bolıp tabıladı.
Bakalavrlıq da’stu’ri pıtkeninen keyin pitkeriwshilerge mámleket attestatsiyasi juwmaqlarına qaray kásip boyınsha “bakalavr” dárejesi beriledi hám mámleket tárepinen tastıyıqlanǵan úlgidegi, kásip-óner iskerligi menen shuǵıllanıw huqıqın beretuǵın diplom tapsırıladı.
Magistratura anıq qa’nigelik boyınsha fundamental hám ámeliy bilim beretuǵın, bakalavriat negizinde tálim múddeti keminde eki jıl dawam etetuǵın joqarı tálim bolıp tabıladı.
“Magistr” dárejesin beretuǵın mámleket ilmiy tájriybe attestatsiyasi magistrlıq da’stu’rinıń intihosi bolıp tabıladı. Magistrlarǵa mámleket tárepinen tastıyıqlanǵan úlgidegi, kásip-óner iskerligi menen shuǵıllanıw huqıqın beretuǵın diplom tapsırıladı.
Eki basqıshlı joqarı tálim sistemasın shólkemlestiriw hám rawajlandırıw ushın tómendegilerdi ámelge asırıw zárúr:
- bakalavriat hám magistratura ushın mámleket tálim standartların islep shıǵıw hám engiziw;
- joqarı tálim mákemeleri ushın professor -oqıtıwshı kadrlar tayarlaw, sonday-aq sırt ellerdegi jetekshi oqıw hám ilimiy oraylarda tayarlaw ;
- joqarı tálim mákemelerinde strukturalıq ózgerisler ótkeriw;
- joqarı tálim mákemeleri basqarıwin jetilistiriw, bul mákemelerdiń ǵárezsizligin kúsheytiw, shólkemlestiriwshiler, qáwenderler keńesleri, jámiyetlik qadaǵalaw keńesleri formasındaǵı jámiyetlik basqarıwdı engiziw;
- tálimniń pán hám islep shıǵarıw menen integraciyası tásirli mexanizmlerin islep shıǵıw hám ámeliyatqa engiziw;
- oqıwdı, ǵárezsiz bilim alıwdı individuallastırıw hámde distansion tálim sisteması texnologiyası hám quralların islep shıǵıw hám ózlestiriw;
- jańa pedagogikalıq hám informaciya texnologiyaları, tayarlıqtıń modul sistemasınan paydalanǵan halda studentlerdi oqıtıwdı jedellestiriw;
- xalıqtıń bay ruwxıy hám intellektuallıq miyrasları hám ulıwmadu’nyalıq qádriyatlar tiykarında tálimniń insanpa’rwarliq baǵdarın támiyinlew.