Inson va tuproq” kitobi “Jayron” ekologik markazi

Teri kasalligi-

Teri- odam va hayvonlar tanasining tashqi qoplami. Organizmni tashqi taʼsirdan himoya qiladi, sezish, moddalar almashinuvi, organizmdan keraksiz moddalarni chiqarishda qatnashadi. Katta yoshdagi odamda Teri sathi 1,5 — 2 m², qalinligi gavdaning turli joyida turlicha boʻlib, 0,5 mm dan 2 mm gacha bo`ladi. Kaft va tovonda 4 mm ga yetadi. Teri butun badanni qoplab, ogʻiz, burunda shilliq qavatga aylanadi. Teri oʻziga xos rang va tusga ega, u donador va muguz qavatlarning qalinligiga, tomirlarning yuza joylashishiga, shu bilan birga melanin pigmentining koʻp-ozligiga qarab belgilanadi.

Termiz shahri- Surxondaryo viloyatidagi shahar. Viloyat markazi. U Amudaryoning oʻng sohilida, Oʻzbekistonning janubiy qismida, Afgʻoniston chegarasiga yaqin, oʻrtacha 310 m balandlikda joylashgan. Xalqaro daryo porti va Temir yoʻl stansiyasi mavjud. Maydoni 27,8 kv.km. Aholisi 120 mingdan ziyod. Iqlimi kontinental, issiq va quruq, yozi jazirama issiq (Oʻzbekistondagi eng issiq shahar – eng yuqori harorat +49,5°, 1914-yil 21-iyunda qayd etilgan), qishi iliq va qisqa bo`ladi.

Termometr- (termo— issiq va metr) haroratini oʻlchash uchun moʻljallangan asbob. Termometrning suyuqlikli, gazli va qarshilikli turlari bor. Ulardan eng soddasi suyuqlikli termometr, asosan, rezervuar, naycha va shkaladan iborat. Rezervuar suyuklik, masalan, simob bilan toʻldirilgan boʻladi. Harorat ortishi bilan rezervuardagi simob kengaya boradi va unga ulangan naycha ichida simob koʻtariladi. Harorat qancha yuqori boʻlsa, simob shuncha kengayadi va naycha boʻylab u shuncha yuqori koʻtariladi.