Inson turmush tarzining rivojlanishi yangi yangi kashfiyotlarning yartilishiga sabab bo`lmoqda

3.2. Ziyonet golobaol tarmog`i haqida umumiy ma'lumotlar

Imkoniyatlar

ZiyoNET jamoat ta'lim tarmog'i 2005 yil hukumat qarorlariga muvofiq tashkil topgan. ZiyoNET tarmog'ining asosiy maqsadi ta'lim tizimida respublika yoshlari hamda ta'lim oluvchilarning bilim olish jarayonida axborot-kommunikasiya xizmatlarini tadbiq etishdir.

ZiyoNET tarmog'i Resurs markazining asosiy vazifalari quyidagilardan iborat:

Ta'lim muassasalarini ulash monitoringi;

Veb-texnologiyalar orqali axborot resurslardan keng qamrovda va xavfsiz foydalanish;

Axborot-ta'lim resurslarini birlashtiradigan texnologik maydonchani tuzish va rivojlantirish;

Yoshlarni, o'qituvchilarni ta'lim muassasalari va ta'lim sohasiga bog'liq yoki qiziqqan boshqa ijtimoiy qatlamlarni o'zaro birlashtiradigan virtual jamiyatni yaratish.

Ta'lim va ijtimoiy muhim ahamiyatga ega loyihalar uchun xosting

Ta'lim va ijtimoiy muhim ahamiyatga ega bo'lgan loyihalarning Uznetda qatnashishi maqsadida, ZiyoNET tarmog'ining resurs markazi tomonidan ta'lim muassasalari va ijtimoiy muhim ahamiyatga ega bo'lgan loyixalar uchun bepul xosting xizmati taqdim etiladi.

Batafsil ma'lumotni bu yerda ko'rishingiz mumkin.

Ta'lim va ijtimoiy muhim ahamiyatga ega bo'lgan loyixalar uchun xosting taqdim etish bo'yicha savollarga javoblar forumning maxsus bo'limida mavjud.

ZiyoNET nima?

Ma’lumki, “ziyo” arabcha so‘zdan olingan bo‘lib, «nur», «shu’la» ma’nosini anglatadi. NET so‘zi esa axborot texnologiyalariga taalluqli atama bo‘lib, inglizchadan «to‘r», «tarmoq» ma’nosini bildiradi. Demak, sodda qilib aytsak,  «ZiyoNET» — nur, ziyo tarqatuvchi tarmoq ma’nosini bildiradi. Tarmoq faoliyatining qirralari xilma xil.

«ZiyoNET» bir paytning o‘zida bir nechta funktsiyalarni  amalga oshiradi. Ilmiy tilda aytsak, «ZiyoNET» bu — jamoat ta’lim axborot tarmog‘i.

 Ammo unga qo‘shimcha ta’riflarni ham berish mumkin.

ZiyoNET  — sof o‘zbekona Internet, desak xato bo‘lmaydi.

Mazkur tarmoqqa ulangan ta’lim muassasalari  TASIX, ya’ni mamlakatimiz provayderlari xosting bergan sayt­larga chiqa oladilar. Noxolis, ma’naviyatimizga daxl qiladigan saytlarga chiqish holati o‘z-o‘zidan barham topadi.

«ZiyoNET» bu — ma’rifiy internet dayjest.

Chunki, portalda mamlakatimiz saytlaridagi ta’limga oid eng so‘nggi yangiliklar, xabar va maqolalar jamlanib, berib boriladi. Axborot olingan manbalarga chiqish imkoniyati ham yaratiladi.  

«ZiyoNET» bu — keng qamrovli pedagogik virtual kutubxona.

Unda ilmiy qo‘llanmalar, ma’ruzalar matnlari, dars ishlanmalari va boshqa pedagogik ilmiy ishlar jamlanadi. Bu esa barcha pedagoglarning ish faoliyati jarayonida asqotadi.  Ta’lim jarayonida, uning mazmundorligini oshirishda kerak bo‘ladigan foydali ilmiy-nazariy qo‘llanmalar to‘plami joylashtiriladi.

«ZiyoNET» bu –global forum.

Tarmoq bir paytning o‘zida respublikaning turli nuqtasida joylashgan ta’lim muassasalari tarbiyalanuvchilari, o‘qituvchilar, o‘quvchilar, talabalar bir tarmoqda fikr almashishi va muloqotda bo‘lish imkonini beradi. Barcha o‘quvchi-yoshlarning dunyoqarashini mazkur tarmoqning forum bo‘limi orqali shakllantirish va  yo‘naltirish mumkin.