Insho: Ona tilim-millatim ko`zgusi

Ona tilim

Bu ko`hna hayotdan kimlar o`madi?

Dard bilan o`tdi Bobur,o`tdi Chingiz ham.

Goho kimlar yig`lab,kimlar kulmadi?

Hech ham o`lim bilmas tilim o`zingsan.

Sen deb qilich tortdi hatto Temur ham,

Sohibqiron nomin unga sen berding.

Sen hatto ilk bora Navoiyni ham,

So`z mulkining sultoni deya atading.

Esingdan chiqdimi kechagi o`tmish?

Axir kim edig-u kim bo`ldik bugun.

Shunchalar bo`larmi bu razil qilmish?

Qodiriyni otgan o`sha mash`um kun.

Bir pasda yodingdan chiqdimi bari?

Senda yangradi-ku ona allasi.

Ilk senda jarang sochdi-ku axir,

Belanchakda yotgan bola ovozi.

Boshing aro qora quzg`un,balolar

Doim kun bermayin o`tdilar senga

Ammo tilim alamli,qayg`uli dardlar,

Hech ham ozor berolmadi,sening qalbingga

Tilim sen o`lmading,sen mangu borsan,

Olov bo`lib chiqding o`tmish qaridan.

Har dushmaning uchun osilgan dorsan,

Mana qasos olding bugun baridan.

Boburni ayriliq ichra o`rtagan,

Vatan sog`inchi ham asli,o`zingsan.

Cho`lponni xalq dardi uzra undagan,

Xalqning darmoni ham tilim o`zingsan.

18.10.20