Инновацион таълим технологиялари маркази

Топшириқ: 
1. Аудиторлик ҳисоботига асосан ҳар бир ҳисоб йўналишлари бўйича вазият 
таҳлилини жадвал кўринишида амалга оширинг. 
2. Йўл қўйилган камчиликларни бартараф этиш юзасидан тавсиялар ишлаб 
чиқинг. 
3. Аудитор ҳисоботи ва тавсиялар асосида аудитор хулосасини тузинг.
 “Текстайл” қўшма корхонасида ўтказилган аудиторлик текшируви натижасида
аудиторлик ҳисоботи лойиҳаси тайёрланиб, ҳозирча йўл қўйилган камчиликлар 
таҳлили ва аудиторлик хулосаси ишлаб чиқилмаган.
 
 
 
 
 
 
 
 
 
 

---

126
1. Тошкент шаҳар “Текстайл” қўшма корхонасининг 2007 йил молиявий 
ҳисоботлари бўйича 
 
АУДИТОРЛИК ҲИСОБОТИ 
 
2008 йил 26 январь
 
 
 
Тошкент шаҳри 
 
Кириш 
Ушбу аудиторлик ҳисоботи Ўзбекистон Республикаси Адлия Вазирлигининг 
2003 йил 5 декабрдаги №00897 - сонли лицензиясига асосан фаолият кўрсатувчи 
Ўзбекистон Республикаси Масъулияти чекланган жамият шаклидаги “GOODWILL” 
аудиторлик фирмаси томонидан 2008 йил 5 январдаги №5/2 - сонли шартномага асосан 
ўтказилган аудит натижаларига мувофиқ тайёрланди.
1. Аудитнинг мақсади ва услуби: 
1.1. Шартномага мувофиқ ушбу аудитнинг мақсади жамиятнинг 2007 йил якуни 
бўйича молиявий ҳисоботлари ва бухгалтерия балансининг тўғри ёки нотўғрилигини 
аниқлаш. 
1.2. Аудит Ўзбекистон Республикаси “Аудит миллий андозалари”га мувофиқ 
аудиторлик хулосаси бериш учун етарли маълумотга эга бўлиш даражасида 
режалаштирилди. 
1.3. Аудит учун тақдим этилган ҳисобот ва маълумотларнинг тўғрилиги учун 
мазкур жамият маъмурияти масъулдир. Биз томондан ушбу ҳисоботлар бўйича 
билдирилган фикрлар учун масъулиятни зиммамизга оламиз. 
1.4. Аудит ўтказишда қуйидаги материаллар ва маълумотлардан фойдаланилди:
а) Ўзбекистон Республикасининг акциядорлик жамиятлари тўғрисидаги 
қонунлари, Республикамиз Президентининг Фармонлари ва Вазирлар Маҳкамасининг 
қарорлари; 
б) Ўзбекистон Республикаси аудит миллий андозалари; 
в) корхонанинг 2007 йил якуний молиявий ҳисоботлари ва бухгалтерия 
ҳужжатлари; 
г) бошқа бўлимдан олинган маълумотлар. 
Текширув ўз қамровига олган даврда жамият молиявий хўжалик фаолиятига 
масъул мансабдор шахслар сифатида қуйидагилар ишлаганлар: 
1. Раджабов Б.Р. – бошқарув раиси. Барча бухгалтерия ҳужжатларида биринчи 
имзо ҳуқуқига эга. 
2. Мўминжонова С. – жамият бош ҳисобчиси. Барча бухгалтерия ҳужжатларида 
иккинчи имзо ҳуқуқига эга. 
Корхона Тошкент шаҳар Шайхонтоҳур туман Солиқ инспекциясидан солиқ 
тўловчи сифатида рўйхатдан ўтган ва 200343485-сонли ИННга эга. АТФ Банк “Асака” 
Тошкент шаҳар бўлимида 20210000902200680001 ҳисоб рақамига эга. 
Аудит текшируви 2008 йил 15 январда бошланиб, 2008 йилни 26 январида 
тугатилди.