Ingliz tili va adabiyoti kafedrasi 70230101 – Lingvistika (Ingliz tili) mutaxassisligi magistranti

II. Magistrlik dissertatsiyasini tayyorlash. Magistrlik dissertatsiyasiga bo‘lgan talablar.
Magistrlik dissertatsiyasi mavzulari sohaning rivojlanish istiqboli va fan, ta’lim, texnika, texnologiya, iqtisodiyotdagi zamonaviy yutuqlar hamda kadrlar buyurtmachilarining talablarini hisobga olgan holda oliy ta’lim muassasasining mutaxassislar tayyorlovchi kafedrasi tomonidan belgilanadi.
Magistrlik dissertatsiyasi mavzusi talabaga birinchi semestr davomida beriladi. Ishning bajarilishi mos mutaxassislik bo‘yicha fan doktori ilmiy darajasi yoki mutaxassislar tayyorlovchi kafedra bo‘yicha ushbu ta’lim muassasasida faoliyat ko‘rsatuvchi ilmiy daraja va ilmiy unvonga ega bo‘lgan o‘qituvchi ilmiy rahbarligida bajariladi. Ilmiy maslahatchilar sifatida O‘zbekiston Respublikasi Fanlar akademiyasi va tarmoq ilmiy-tadqiqot institutlari konstruktorlik byurolari hamda ishlab chiqarishning yuqori malakali mutaxassislari taklif qilinishi mumkin.
Magistrlik dissertatsiyasining mazmuni tizimlashtirilgan ko‘rinishda ilmiy-tadqiqot (yoki ilmiy-texnikaviy yechim)ning dastlabki asoslarini, uning bajarilib borishini va olingan natijalarini qayd qilishi kerk. Bunda ilmiy asoslar (yoki ilmiy-texnikaviy yechimlar) har taraflama tahlil qilinishi, mavjud muqobil variantlarda ko‘rib chiqilishi va ulardan birining tanlanishiga asoslanishi lozim.
Magistrlik dissertatsiyasi natijalari bo‘yicha olingan ma’lumotni matn yoki ko‘rgazmali material ko‘rinishida mustahkamlanadi, unda muallif tomonidan mavzuning nazariy yoki amaliy ahamiyati isbotlanadi. Matn va ko‘razmali material hajmi va mazmunining tavsifi magistrlik dissertatsiyasi mavzusining yo‘nalishi (ilmiy yoki ilmiy-texnikaviy) va mutaxassislar buyurtmachilari talablariga bog‘liq holda mutaxassislar tayyorlovchi kafedra tomonidan belgilanadi.
Belgilangan muddatda bajarilgan magistrlik dissertatsiyasi Davlat attestatsiyasi komissiyasiga: ilmiy rahbar xulosasi, soha bo‘yicha ilmiy xodim yoki mutaxassisning tashqi taqrizi va mos mutaxassislikning magistr ta’lim dasturi bo‘yicha shaxsiy reja bajarilganligi haqidagi ma’lumotnoma bilan birga taqdim etilishi lozim.
Magistrlik dissertatsiyasi Davlat attestatsiya komissiyasi va jamoa oldida ochiq himoya qilinadi.