Infuziya va transfuziya

1. Birinchi qon guruhiga mansub odamlarning qon zardobi bu guruhga mansub bo‘lmagan odamlarning eritrotsitlarini agglutinatsiyaga g‘uj bo‘lib yopishishiga olib keladi. Bu guruhga mansub bo‘lmagan odamlarning eritrotsitlari hech qanday zardob bilan yopishmaydi. Qon xususiyatlariga qarab, bu odamlar birinchi guruhga kiritiladi (I).

2. Ikkinchi qon guruhidagi kishilarga zardobi uchinchi guruh eritrotsitlarini yopishtiradigan, lekin birinchi va ikkinchi guruhdagi eritrotsitlarni yopishtirmaydigan odamlarning qoni kiradi. Bu guruhdagi odamlarning eritrotsitlari birinchi va uchinchi guruh qon zardoblari yordamida yopishadi (II).

3. Uchinchi qon guruhiga kiruvchi shaxslarning zardobi ik- kinchi guruh eritrotsitlarini yopishtirmaydi, eritrotsitlari birinchi va ikkinchi guruh qon zardobi bilan agglutinatsiya beruvchi shaxs- lar uchinchi guruhga kiritiladi (III).

Keyingi tekshirishlar qon zardobi ma’lum bo‘lgan guruh erit- rotsitlari bilan yopishmaydigan, lekin shu vaqtning o‘zida erit- rotsitlar boshqa guruh zardoblari bilan yopishadigan guruh bor- ligini ko‘rsatadi. 1910-yilda amerikalik Mass qon guruhlarini ko‘pchilik odamda tekshirib, to‘rtinchi guruhga xos shaxslar bor- ligini e’lon qildi, 1928-yilda esa millatlar ligasining gigiyena ko- missiyasi 1910-yilda taklif qilingan qon guruhlarining harflar nomenklaturasini ishlab chiqdi va hozir qon guruhlarini belgilashda shu harflar qo‘llaniladi. Qonni guruhlarga ajratish asosini odam eritrotsitlarida A- va B- agglutinogenlar, qon zardobida esa alfa (a) va beta (в) agglutininlar borligi tashkil qiladi. Agglutinogenlar va agglutininlar bor-yo‘qligiga qarab qonning qaysi guruhga man- subligi aniqlanadi. Odamda agglutinogenlar va agglutininlar bi- rikmasining IV guruhi va binobarin, qonning IV guruhi uchraydi

Birinchi guruh 0 (I). Eritrotsitlarda agglutinogenlar (0) yo‘q, zardobda esa ikkala agglutinin — alfa va beta bor.

Ikkinchi guruh — A (II). Eritrotsitlarda agglutinogen A, zar- dobda esa agglutinin beta bor.