Infuziya va transfuziya

2. Dezintoksikatsiya qiladigan qon o‘rnini bosuvchi suyuqliklar:

ter, polidez, gemosorb.

3. Parenteral ovqatlantirish uchun preparatlar: gidrolizin, kazein gidrolizati, aminopeptid, aminokrovin, lipofundin, nef- ramin, vamin.

Yuqorida aytib o‘tilgan yuqori ta’sirchan preparatlar bilan birga tuzli kristallsimon eritmalar: 0,85% li natriy xlorid eritmasi — fiziologik eritma, Ringer-Lokk eritmasi (9 g natriy xlorid, 0,25 g kaliy xlorid, 0,23 g kalsiy xlorid, 0,2 g soda, 1 g glukoza, 1000 ml suv), Ringer eritmasi (8 g natriy xlorid, 0,1 g kalsiy xlorid,

075 g kaliy xlorid, 0,1 g soda, 1000 ml suv) va standart tuzli eritmalar: disol, trisol, asesol. Tuzli eritmalar, asosan, organizm suvsizlanganda, intoksikatsiyada, ko‘p qon yo‘qotilganda qo‘lla- niladi. Tuzli infuzin, ayniqsa, samarali. Tez tayyorlanishi tuzli eritmalarning afzalligi hisoblanadi.

MUOLAJA HAMSHIRASINING ISH XUSUSIYATLARI

Yirik xirurgik statsionarlarda turli xil dori moddalarini paren­teral yuborish bilan bog‘liq bo‘lgan muolajalarni bajarish uchun maxsus xona ajratiladi.

Operatsiya blokida aseptika qoidalariga nechog‘li qattiq amal qilinsa, muolaja hamshirasi o‘z ishida bu qoidalarga xuddi shun- day amal qilishi kerak. Dori moddalarni parenteral yuborish (teri ostiga, mushak orasiga, venaga) ignalari yaxshi o‘rnatilgan har xil turdagi shprislar yordamida bajariladi. Bemorning inyeksiya qilinadigan sohasidagi terisi sovunlab yuviladi, so‘ngra spirtga ho‘l- langan paxta bilan artiladi.

Inyeksiya qilishdan oldin hamshira qo‘lini, albatta, oqib turgan suvda sovunlab yuvadi. Dori moddasini yuborishdan oldin xa- toga yo‘l qo‘ymaslik uchun dori moddasi solingan ampuladagi yozuvni tekshirib ko‘rish kerak. Ampula boshchasi keskichda arralanib, shu joy spirtga ho‘llangan paxta bilan artiladi va sindiri- ladi. Ampula ichiga igna kiritiladi va ampulani pastga qiyshaytirib, undagi eritma tortib olinadi. Shprisning ignasi yuqoriga qilib ko‘- tariladi va shprisdagi havo chiqariladi.

Inyeksiyalarning barcha turlarini (teri ichiga, teri ostiga va vena ichiga) bajarish usullari bemorlarni parvarish qilishga doir qo‘llanmalarda tasvirlangan. Mikrokateter yordamida vena va ar- teriya punksiyasi yoki venaga stelet quyish, suyak ichiga dori yuborish kabi shifokor bajaradigan muolajalar maxsus qo‘llan- malarda yoritilgan.