Infuziya va transfuziya

Ikkita flakon (xaltacha)dan qon quyish. Bu ko‘p miqdordagi qonni tez fursat quyish yoki ko‘p miqdordagi qonni uzoq mud- datda quyish zarur bo‘lganda qo‘llaniladi. Shu maqsadda tomiz- gich bilan ikkala flakon o‘rtasiga shisha troynik o‘rnatiladi. Yuqo- rida aytib o‘tilgan usul bo‘yicha avval sistemaning birinchi qismini tomizgichgacha bir flakonda, keyin ikkinchi flakondan to‘ldiriladi. Sistemaning ikkinchi qismi odatdagi usulga binoan to‘ldiriladi. Ikkita flakondan quyishda ulardan birida qon o‘rnini bosadigan eritma bo‘lishi shart.

QON QUYISHGA KO‘RSATMALAR:

yo‘qotilgan qon o‘rnini bosish uchun;

organizmni zahardan tozalash uchun;

travmatik shokni davolash va oldini olish uchun;

hayotiy jarayonlarni (gemopoez, regeneratsiya, organizmning immun-biologik himoya kuchlarini oshirish) yaxshilash uchun;

terminal holatlarda tiriltirish uchun;

qon oqishini to‘xtatish uchun.

QON QUYISHGA MUTLAQ MONELIKLAR:

yurak-tomirlar sistemasi dekompensatsiyasi;

o‘pkaning faol sili (infiltrativ shakli);

allergik kasalliklar (eshakyem, Kvinke shishi, ekzema va boshqalar);

tromboz va emboliyalar;

jigar va buyrakning o‘tkir yallig‘lanish kasalliklari (gepatit, nefritlar);

xavfli qon to‘liqligi.

QON QUYISHDA RO‘Y BERADIGAN XATOLIKLAR, ASORATLAR VA ULARNING OLDINI OLISH

Gemotransfuziya shoki. Bu mos kelmaydigan qon quyilishidan keyin yuz beradi (qon guruhini aniqlashdagi xato). Simptomlari: bemorda ko‘ks qisilishi paydo bo‘ladi, bosh, qorni va beli og‘riydi, pulsi tezlashadi, arterial bosim tushib ketadi, ba’zan ortadi, to‘satdan siyib qo‘yishi yoki ichi ketishi mumkin. Bunday hollarda qon quyish darhol to‘xtatiladi, plazma, shokka qarshi eritmalar, 5% li glukoza eritmasi quyiladi. Mos keladigan bir xil guruhdagi qon almashtirib quyiladi va paranefral blokada qilinadi. Uremiya paydo bo‘lganda me’da yuviladi, «sun’iy buyrak» apparati yordamida gemodializ qilinadi.