Informatikani o’qitish metodikasi

Muammoli va mantiqiy nazorat savollari

1. 
   M ultimedia texnologiyalari nima va uning muhim xususiyatlari nimada?
   
2. 
   Qanday multimediali o‘rgatuvchi dasturlarda ishlagansiz, uning imkoniyatlarini aytib bering!
   
3. 
   Multimedia texnologiyalari asosida yaratilgan ilovalarning qanday turlarini bilasiz, ularning bir-biridan farqini yoriting!
   
4. 
   Multimediali ilovalarni yaratadigan qanday kompyuter dasturlarini bilasiz, ularning imkoniyatlarini tushuntirib bering!
   
5. 
   Multimedia texnologiyalari asosida yaratilgan ilovalar qanday loyihalanadi?
   
6. 
   Multimedia texnologiyalari asosida yaratilgan o‘qitish vositalari (elektron ta’lim resurslari) an’anaviy ta’lim vositalaridan qanday farq qiladi?
   
7. 
   Multimedia texnologiyalari asosida yaratilgan o‘qitish vositalarinig ijobiy va salbiy tomonlarini ko‘rsatib bering!
   
8. 
   Adobe Flash dasturidan foydalanib multimediali taqdimotlarni yaratish algoritmini yoritib bering!
   

9-mavzu. Informatika darslarida o‘quvchilar bilimini nazorat qiluvchi texnologiyalar
Reja
9.1. Nazorat qiluvchi texnologiyalar va ularning turlar. O‘quvchilar bilimini baholashda qo‘llaniladigan texnologiyalar
9.2. Informatika darslarida o‘quvchilar bilim, malaka va ko‘nikmalarini nazorat qilish vositalari
9.3. Baholashning zamonaviy metodlari


9.1. Nazorat qiluvchi texnologiyalar va ularning turlari. O‘quvchilar bilimini baholashda qo‘llaniladigan texnologiyalar. O‘quvchilar bilim, ko‘nikma va malakalarini nazorat qilish o‘quv jarayoninig muhim elementi bo‘lib, u o‘quv jarayonining sifati va samaradorligini belgilaydi. O‘quvchilar bilimini nazorat qilish ta’lim jarayonini takomillashtirishga imkon beradi, chunki o‘quvchilarni sinovdan o‘tkazish ularni yaqindan bilish, individual xususiyatlarini yaxshi o‘rganishga yordam beradi.
Informatika fanidan nazorat qilishning xilma-xil usullaridan foydalanish o‘quvchilar bilimini aniq baholashga imkoniyat beradi. Boshqa fanlar singari informatika fanida ham o‘quvchilar tomonidan o‘zlashtirilgan nazariy bilim va amaliy ko‘nikmalarni bir-biridan farqlash lozim bo‘ladi. Nazariy bilimlarni nazorat qilishning an’anaviy usullariga og‘zaki so‘rov, yozma ish, testdan foydalanilsa, amaliy ko‘nikmalarni baholashda berilgan amaliy topshiriqni bajarish hisobga olinadi.
Ba’zida informatika darslarida noan’anaviy nazoratning referat, konkurs loyiha, kichik tadqiqot, kichik keys, krossvord, viktorina kabi turlaridan ham foydalaniladi [42].
Nazorat qilishning an’anaviy va noan’anaviy turlari