Informatikani o’qitish metodikasi

Tayyorgarlik (izlanish) bosqichida mavzusi tanlanadi, dars turi, maqsadi, mazmuni tanlanadi, ya’ni mavzuga taalluqli ma’lumotlar to‘planadi, ma’lumotlar o‘rganilib ishlov beriladi va tahlil qilinadi, mavzu yuzasidan axborotlar yig‘iladi va shular asosida dars bosqichlari rejalashtiriladi talabalarning o‘qitilayotgan fan predmeti, fan mavzulariga qiziqishlari, tafakkuri, dunyoqarashi va bu boradagi ularning qobiliyatlari e’tiborga olib kutiladigan natijalar belgilanadi, dars bosqichlari qo‘llaniladigan pedagogik va axborot texnologiyalari tanlanadi.
Лойиҳани тайёрлаш (конструкторлик) босқичи. Dars bosqichlarga ajratilib, har bir bosqichda o‘qituvchi va o‘quvchi faoliyatlari, har bir bosqichda mazmun va uni yoritishda qo‘llaniladigan metodlar, pedagogik va axborot texnologiyalari, multimediali vositalari, slaydlardan foydalanish, kutiladigan natijalar rejalashtiriladi. Loyihalashtirish dars ishlanmasi va texnologik xarita ko‘rinishini oladi.
Loyihani bajarish, amalga oshirish bosqichi. Bu bevosita o‘quv faoliyati-dars jarayoni bo‘lib, o‘qituvchi tomonidan tayyorlangan loyihani dars bosqichlariga mos, dars ishlanmasi va texnologik xaritadagidek amalga oshiriladi. Bu o‘rinda xatoga yo‘l qo‘ymaslik muhim, aynan shu bosqichda talabalarda bilimlar, ko‘nikma va malakalar va shakllantiriladi.
Tayyorlangan loyiha asosida olib borilgan o‘quv jarayoni natijasida talabalarning bilim, ko‘nikma va malaka darajasi (Т_BKM ) davlat ta’lim standartida ko‘rsatilgan bilim, ko‘nikma va malaka (DTS_BKM) darajasiga mos yoki undan yuqori bo‘lsa (DTS_BKM≤T_BKM) o‘quv faoliyatining loyihasi talab darajasida tayyorlangan bo‘lib, ta’lim samaradorligi yuqori hisoblanadi, aks holda loyiha talab darajasida tayyorlanmagan hisoblanadi.
Yakunlovchi bosqich. Olingan natijalar kutilgan natijalar bilan solishtiriladi, sifat ko‘rsatkichlarini aniqlanadi, ya’ni talabalarning o‘zlashtirish darajalari tahlil qilinadi. Talabalarning egallagan bilim, ko‘nikma va malakalari bilan Davlat ta’lim standartida ko‘rsatilgan, minimal bilim, ko‘nikma va malakalar solishtiriladi. Loyihani amalga oshirish jarayoni va natijalari tahlil qilinadi, loyihalash natijalarini amaliyotga qo‘llash imkoniyatlarini o‘rganiladi. Loyihadan ko‘zlangan maqsadga erishganlik darajasini baholanadi, va umuman, loyihaning samaradorligi tahlil qilinadi .