Informatika va programmalash

§3.23. Programma kodining bajarilishida xotira taqsimoti

TP da programmalar va ma’lumotlarning SHEHM xotirasida joylashishini tahlil qilish vositalari mavjud. MS-DOS operatsion sistemasining adreslanuvchi xotira sohasi segmentlardan tashkil topadi: xotira, o‘lchami 64 Kb gacha bo‘lgan xotira bo‘laklaridan iborat bo‘ladi. Adreslanuvchi xotirasining ixtiyoriy katagi (yacheykasi) Segment:Siljish juftligi bilan aniqlanadi. Bu yerda segment – ixtiyoriy 16 ga karrali fizik adresni ko‘rsatishi mumkin. Bu esa o‘z navbatida xotira katagini ko‘p usulda adreslash mumkinligini ko‘rsatadi. Misol uchun $83FD:$000B, $7FFD:$400B va $756D:$E60B adreslari xotiraning bitta katagini ko‘rsatadi.

Ixtiyoriy xotira katagini uning boshiga nisbatan (0000:0000) yaxlit adresini quyidagicha hisoblanadi: Yaxlit adres q Segment*16 Q Siljish.
Quyida keltirilgan chizmada segmentlar pastdan yuqori tomon nomerlagan, ularning mazmuni quyidagicha.
1-segment. Programma ishga tushganda MS-DOS bu fayl haqidagi ma’lumotnoma yaratadi (256 bayt uzunligi) – PSP (Program Segment Prefix).
2-segment. PSP dan keyin EXE – fayl kodi keladi, uning hajmi 64 Kbaytdan ortiq bo‘lishi mumkin. Segment adresi protsessorning CS registrida saqlanadi.
3-segment. Statik global o‘zgaruvchilar va barcha turlangan konstantalar (shu jumladan lokal) berilgan segmenti xajmi 64 Kbaytdan oshmaydi. Adres DS da.
4-segment. Stek segmentida protsedura va funksiyalarning lokal o‘zgaruvchilari va parametr-qiymatlari joylashadi. Stekni to‘ldirish yuqoridan boshlanadi (Bu chegaralar $M direktivasi orqali o‘rnatiladi). Quyi chegara kelishilgan holda stekning past chegarasiga yaqinlashish ko‘rsatgichi bilan aniqlanadi. Bu ko‘rsatgich Stacklimit sistema o‘zgaruvchisi bilan aniqlanadi. Odatda bu yaqinlashish 0 ( Stacklimit0), {$N+, E+}. Kompilyatsiya rejimida –224. Adres - SS registrda.
5-segment. Stek yuqorisida overley modullar uchun joy ajratiladi (zarur bo‘lsa).
6-segment. Dinamik o‘zgaruvchi va strukturalar uchun xotira qismi (uyum).