Informatika va at

Bu masalalarda T, T1 va T2 o'zgaruvchilar daraxt turidagi qiymatni, YE DET turidagi kattalikni bildiradi.

18-rasm
17.7. Navbat yoki stekdan foydalangan holda (bunday turlar va ular ustidagi amallar 17.1 va 17.3 masalalarda aniqlangan deb hisoblab) quyidagi masalalar uchun protsyedura yoki funktsiya tuzilsin:

a) bo'sh bo'lmagan T daraxtning eng chap yaprog'ining qiymatini YE parametrga berilsin (yaproq − o'zidan birorta ham shox chiqarmagan tugun);

b) YE elementning T daraxtga kirishlari soni aniqlansin;

v) DET=real uchun bo'sh bo'lmagan T daraxt elementlarining o'rta arifmetigi hisoblansin;

g) DET=real uchun T daraxtdagi barcha manfiy elementlar ularning absolut qiymati bilan almashtirilsin;

d) DET=real uchun bo'sh bo'lmagan va barcha elementlari o'zaro farqli T daraxtining maksimal va minimal elementlari o'rni almashtirilsin;

e) T daraxtining barcha yaproqlaridagi elementlar ekranda chop qilinsin (DET=char uchun)

j) T daraxtning barcha elementlari sathlar bo'yicha chop qilinsin: oldin daraxt ildizi, keyin ildizdan bevosita kelib chiquvchi tugunlar (chapdan o'ngga), keyin bu tugunlardan bevosita kelib chiquvchi tugunlar va hokazo (DET=integer);

z) bo'sh bo'lmagan T daraxtida ildizdan YE elementli tugungacha bo'lgan eng yaqin yo'l uzunligi (shoxlar soni) topilsin; agar YE element T ga kirmasa, javob sifatida 1 qabul qilinsin;

i) bo'sh bo'lmagan T daraxtning n- sathdagi tugunlar soni topilsin (daraxt ildizi 0  sathda deb hisoblansin).

17.8. Quyidagi masalalar rekursiv funktsiya yoki protsyedura yordamida yechilsin:

a) YE elementni T daraxtga kirish yoki kirmasligini aniqlovchi;

b) YE elementning T daraxtga kirishlar sonini aniqlovchi;

v) bo'sh bo'lmagan T daraxt elementlari yig'indisini hisoblovchi (DET = real);

g) T daraxtning eng katta elementini topuvchi (DET = real);

d) T daraxtning yaproqlaridagi elementlarni chop qiluvchi (DET=real);

e) bo'sh bo'lmagan T daraxtning maksimal chuqurligi, ya'ni daraxt ildizdan yaproqgacha bo'lgan eng uzun yo'lni topuvchi;

j) bo'sh bo'lmagan T daraxtning n- sathdagi tugunlar sonini hisoblovchi (daraxt ildizi 0  sath deb hisoblansin).