Informatika va at

10.11. 60 ta belgidan iborat matn berilgan. Shu matnga kiruvchi kichik lotin harflari chop qilinsin.

10.12. Nuqta bilan tugaydigan kichik kirill harflaridan iborat matn berilgan. Shu matnni kichik harflarini katta harflarga almashtirib chop qilinsin.

10.13. Nuqta bilan tugaydigan katta kirill harflaridan iborat matn berilgan. Shu harflar alfavit bo'yicha tartiblangan yoki yo'qligi aniqlansin?

10.14. 200 ta belgidan iborat matn berilgan. Shu matndagi bir-biridan farqli bo'lgan kichik kirill harflari alfavit tartibida chop qilinsin.

10.15. type satr= array[1..80] of char;

var s: satr;

Berilgan s satrning boshida 40 tadan ko'p bo'lmagan lotin harfla­ri joylashgan, undan keyin probel keladi. Satr quyidagicha o'zgartirilib keyin chop qilinsin:

a) satrdagi barcha avs lar def ga almashtirilsin;

b) satrda qatnashgan birinchi w harfi o'chiriilsin agarda shunday belgi mavjud bo'lsa. (Hosil bo'ladigan «bo'sh joy» keyingi joylashgan belgi bilan to'ldirilsin, oxiriga probel qo'shilsin);

v) satrga kiruvchi birinchi x harfini (agarda u mavjud bo'lsa) ks ga almashtirilsin;

g) satrga kiruvchi hamma th belgilar o'chirilsin;

d) satrga kiruvchi har bir q harfidan keyin u harfi qo'shilsin;

ye) satrdagi hamma ph larni f ga, ed larni esa ing ga almashtirilsin.

10.16. 1 dan 30 gacha bo'lgan so'zlardan iborat ketma-ketlik berilgan bo'lib, bu so'zlarning har birida 1 dan 5 tagacha kichik lotin harflari bor. So'zlar bir-biridan vergul bilan ajratilgan va oxirgi so'zdan keyin nuqta keladi. Chop qilinsin:

a) shu so'zlar ketma-ketligi, faqat teskari tartibda;

b) ketma-ketlikdagi takrorlanib kelgan so'zlarni o'chirib;

v) ketma-ketlikdagi oldida faqat kichik so'zlar (alfavit bo'yicha), undan keyin esa faqat kattalari;

g) ketma-ketlikdagi faqat bir marta uchragan so'zlar;

d) ketma-ketlikdagi har xil so'zlarni va ularni necha martadan qatnashganligi;

ye) ketma-ketlikdagi barcha so'zlar alfavit tartibida.

10.17. Har birida 1 tadan 8 tagacha kichik lotin harflari bo'lgan 2 dan 50 gacha so'zlardan iborat ketma-ketlik berilgan. So'zlar bir-biridan kamida bittadan probel bilan ajratilgan va oxirgi so'zdan keyin nuqta keladi. Ketma-ketlikning oxirgi so'zidan farqli va quyidagi shartlarni qanoatlantiruvchi so'zlari chop qilinsin:

a) simmetrik so'z;

b) so'zdagi birinchi harf shu so'zda yana qatnashgan;

v) so'zning harflari alfavit bo'yicha tartiblangan;

g) so'z lotin alfavitining boshlang'ich kesmasi (a, av, avs va hokazo) bilan ustma-ust tushsa, bunda 'a'..'z' oraliqda lotin harflaridan farqli bo'lgan boshqa belgilar ham bo'lishi e'tiborga olinsin;

d) so'z lotin alfavitining oxirgi kesmasi bilan ustma-ust tushsa (z, yz, xyz va hokazo);

ye) so'zning uzunligi maksimal;

j) so'zda takrorlanuvchi harflar yo'q;

z) so'zdagi har bir harf kamida ikki marta kelsa;

i) so'zda unli harflar (a,e,i,o,u) undosh harflar bilan almashib kelsa.

10.18. Har biri 2 tadan 10 tagacha lotin harflaridan iborat 2 dan 30 gacha bo'lgan so'zlar ketma-ketligi berilgan. So'zlar bir-biri bilan kamida bitta probel bilan ajratilgan va oxirgi so'z nuqta bilan tugaydi. Ketma-ketlikning oxirgi so'zdan farqli barcha so'zlar quyidagi qoida bo'yicha o'zgartirilib chop qilinsin:

a) so'zdagi birinchi harfi uning oxiriga o'tkazilsin;

b) so'zdagi oxirgi harf uning boshiga o'tkazilsin;

v) so'zdagi birinchi harf olib tashlansin;

g) so'zdagi oxirgi harf olib tashlansin;

d) so'zda birinchi harf takrorlansa, birinchidan keyingi takrorlanuvlari olib tashlansin;

ye) so'zdagi oxirgi harf takrorlansa, oxirgisidan boshqa takrorlan­ganlari olib tashlansin;

j) so'zdagi har bir harfni faqat birinchi marta qatnashganini qol­di­rib, qolgani olib tashlansin;

z) agar so'zning uzunligi toq songa teng bo'lsa, u holda uning o'rtasidagi harf olib tashlansin.