Informatika 8-sinf UzB new 2015 каракалпак pmd

logikali’q ilimi
a’hmiyetli wori’n tutadi’. “Logikali’q ko’rkem-wo’ner
adamg’a sonday ni’zamlar haqqi’nda mag’luwmat
beredi, — dep jazg’an yedi wol, — bul ni’zamlar
ja’rdeminde aqi’l shi’ni’g’adi’, insan duri’s pikir
ju’ritiwge u’yrenedi”. Farabiy logika ilimi menen
grammatika arasi’ndag’i’ uluwmali’qti’ yesapqa aladi’: logikani’n’ aqi’lg’a
qatnasi’ grammatikani’n’ tilge qatnasi’ si’yaqli’ boladi’. Grammatika
adamlardi’n’ so’ylew uqi’pli’li’g’i’n ta’rbiyalag’ani’ si’yaqli’ logikali’q ilim
de woylawdi’ haqi’yqi’y joldan ali’p bari’w ushi’n aqi’ldi’ tuwri’ladi’.
Farabiydin’ biliw, logika, aqi’l haqqi’ndag’i’ pikirleri woni’n’ insan
haqqi’ndag’i’ ta’liymati’ ushi’n xi’zmet yetedi ha’m wog’an
boysi’ndi’ri’lg’an boli’p tabi’ladi’. Aqi’lg’a iye boli’w bilimli, logikàli’
boli’wi’ menen sheklenbey, wol belgili a’dep-ikramli’li’q princi plerine,
a’dep-ikramli’ ma’deniyatqa iyelik yetiwi menen juwmaqlani’wi’ kerek.
Farabiy aqi’lli’ insan haqqi’nda ga’p  yeti p  bi’lay jazadi’: “Aqi’lli’
dep sonday adamlar ayti’ladi’, wolar adamgershilikli, wo’tkir pikir
ju’ritiwshi, paydali’ islerge berilgen, kerek na’rselerdi woylap tapqan ha’m
jan’ali’q ashi’wda zor qa’biletke iye: jaman islerden wo’zin shetke ali’p
ju’redi. Usi’nday adamlarg’a aqi’lli’ dep ayti’ladi’.
Jaman islerdi woylap tabi’w ushi’n zeyin-pa’mge iye bolg’anlardi’
aqi’lli’ dep bolmaydi’, wolardi’ hayyar, aldawshi’ degen ataq penen
atamaq lazi’m”.