Informatika 2017 qqalpoq indd

Tańlanǵan  menyuine  kirgizilgen  ámeller  járdeminde  ózińizge 

unaǵan  yaki  kóp  paydalanatuǵın  web-betlerin  saqlap  qoyıw,  olarǵa 

jańaların  qosıw,  tártiplew  jumısların  orınlaw  múmkin.

Servis menyui  baǵdarlamanıń  ózgesheliklerin  kórsetip  beriw  (baǵ-

darlamaǵa  kirgende  avtomatikalıq  júklenetuǵın  web-betin  tańlaw, 

web-betindegi  audio,  video  hám  animaciyalardı  kórsetiw  yamasa 

kórsetpew  hám  t.b)  ushın  mólsherlengen.

Maǵlıwmat  menyui járdeminde Microsoft Internet Explorer baǵdar-

lamasınan  paydalanıw  haqqında  maǵlıwmat  alıw  múmkin.

Internet  Explorer  baǵdarlamasınıń

 

úskeneler paneli

Menyuler  quramına  kirgen  ámellerdiń  ayırımları  az  qollanılsa, 

ayırımları  tez-tez  qollanıladı.  Kóp  qollanılatuǵın  ámellerdi  orınlawdı 

ańsatlastırıw  maqsetinde  baǵdarlamada  úskeneler  paneli  shólkemles-

tirilgen.  Úskeneler  paneli  túymeler  jıynaǵınan  ibarat  bolıp,  hárbir 

túyme  belgili  bir  ámeldi  orınlaydı.

Úskeneler  paneline  jańa  ámeller  kirgiziw  yamasa  onnan  qálegen 

ámeldi  alıp  taslaw  múmkin.  Tómende  úskeneler  paneline  kirgen 

tiykarǵı  ámeller  berilgen:

---

60