Информация ҳәм информациялық-психология қәўипсизлиги түсиниги

ИНФОРМАЦИЯ УРЫСЫ ДЕГЕН НЕ?
Информация урысы-ҳәзирги заман дүнья сиясатының тийкарғы усылларынан, сиясий ҳәм экономикалық ҳүкимранлыққа ерисиў, халықтың психологиялық (руўхый) ҳалатына мақсетли тәсир өткизиў усылларынан бири. Бул, сондай-ақ инсан тәбиятының төменги бузғыншы тәреплерин де өзинде сәўлелендиреди.
Информацияны сақлаў, қайта ислеў ҳәм тарқатыўдың техникалық имканиятлары тез раўажланған сайын информация көп ҳалларда «жаўыз» нийетли сиясий күшлер қолындағы жүдә қәўипли «қуралға» айланып бармақта.
Түсиникли етип айтқанда, жылдан жылға раўажланып баратырған информациялық-психология ҳәм коммуникатив технологиялардан геосиясий мақсетлер жолында пайдаланыў арқалы, мәлим бир информацияны (мысалы, халықтың дәстурий ҳәм руўхый қәдириятлары системасын өзгертиўге бағдарланған информацияларды) «тийисли» жәмийетлик аймақта узақ ўақыт «көпиртип» турыўға қаратылған ҳәрекетлер бағдарында жәмийет ҳәм мәмлекеттиң өмирлик хызметине күшли қәўиплер бар.
ИНФОРМАЦИЯ ҚӘЎИПЛЕРИН ӘМЕЛГЕ АСЫРЫЎ ҮСКЕНЕЛЕРИ.
Басқарыў системасына бағдарланған үскенелер (яғный: «ҳәкимият системалары үстинен бақлаў» орнатыўға урыныў);
Халықтың санасын «қайта программаластырыў» үскенелери (яғный ҒХҚ ҳәм басқа баспа қураллары арқалы халықтың қәдириятлары системасын ҳәм жәмийетлик ориентирлерин өзгертиўге умтылыў);
Экстремизмнен ҳәм терроризмнен информация қәўпи қуралы сыпатында пайдаланыў;
Экономикалық басқарыў қуралы (яғный: экономикалық «урыслар» жүзеге келтириўи арқалы мәмлекет экономикасына зыян жеткизиў);
Түрли «финанслық жәрдем дәстүри»нен қурал сыпатында пайдаланыў;
Улыўма даўыс бериў системасы (яғный: түрли сайлаўлар процесслерине басым өткизиў мақсетинде информация қәўпин орнатыўға умтылыў);
Өзге мәмлекетлерде информация қәўпин күшейттириўден тийкарғы мақсет:
- Информация қәўпи яки «жасырын урыслар»ды пәт алған ҳәрекетлер бағдарланған мәмлекетлер аймағы руўхыятын төмендеги басымда өткизиў;
- Усы мәмлекетлерде жәмийетлик-сиясий тәрепти миллетлер аралық ҳәм динлер аралық мүнәсибетлерди изден шығарыў;
- Мәмлекет қарарысыз сиясий жағдай жүзеге келген болса, усы мәмлекеттиң басқа мәмлекетлерге қарама-қарсы болған «өзге режелер ҳәм пикирлерин» мәжбурий қабыл қылдырыў;