Индустриал иловалар

1–rasm. Industrial axborot tizimini tashkil qiluvchi kompyuter tarmog‘ining tuzilishi.

IAT kompyuter tarmog‘i tarkibiga alohida bо‘linmalar, ofislarning lokal tarmoqlari, asosiy ofis bilan о‘zaro bog‘laydigan regional tarmoqlar va global tarmoqlarning elementlari kiradi (1 rasm).

Lokal hisoblash tarmoqlari (LAN) bino va inshootlar chegarasida tо‘plangan bir nechta kompyuter tizimlari hisoblanadi. Ularning asosiy vazifasi – funksional о‘xshash abonentlarni (buxgalteriya, kadrlar, marketing xizmati) birlashtirish. Lokal tarmoqlarning eng yuqori tezlikda ma’lumotlar almashuvidagi uzunligi bir necha kilometrni tashkil etadi, chunki tarmoq orqali uzatiladigan paketlar dastlabki aloqa о‘rnatishni talab etmaydi.
Regional tarmoqlar (MAN) shahar yoki boshqa ma’muriy hudud abonentlarini qamrab oladi va о‘ndan yuzlab kilometrgacha abonentlarning о‘zaro bog‘lanishini ta’minlaydi. Ular lokal tarmoqlarni birlashtiradi, о‘rtachadan yuqori tezliklarda ishlaydi, ijaraga olingan yuqori tezlikdagi aloqa ham kanallarida ishlashi mumkin.
Global tarmoqlar (WAN) katta masofadagi abonentlar о‘rtasida о‘zaro bog‘lanishni tashkil etishga imkon beradi, ularni uzunligi minglab kilometrlarni tashkil etishi mumkin. Bu tarmoqlar abonentlar о‘rtasida ma’lumotlarni bevosita uzatish oldidan dastlabki aloqa о‘rnatishga yо‘naltirilgan. [8].
IATning asosiy belgilari:

• 
  korporatsiyani birlashtirib boshqarish: rejalashtirish, hisob, hujjatlarni ishlatish, moliya, tahlil va tartibga solish;
  
• 
  obektlarning hudud bо‘yicha tarqalishi, mijozlarning axborot resurslari bilan о‘zaro uzoq bog‘lanishi;
  
• 
  tarkibiy qismlari bir xil bо‘lmagan texnik va programma ta’minotini komplekslashtirish;
  
• 
  korporativ kompyuter tarmog‘i kо‘rinishda yagona axborot maydoni;
  
• 
  real vaqt masshtabida boshqarish qonunlarini amalga oshirish;
  
• 
  masshtablanishi, yuqori darajadagi xavfsizlik, ishonchlilik va ochiqlik.