Индустриал иловалар

I-BOB. Industrial axborot tizimlarini tarkibi va strukturasi.

1.1. Industrial axborot tizimlarining tuzilishi va rivojlanish bosqichlari.

Industrial axborot tizimlari (IAT) – bu alohida hududiy taqsimlangan kompaniya (mahsulotni ishlab chiqarish yoki xizmat kо‘rsatish bо‘yicha korxona) tomonidan boshqariladigan integratsiyalangan kompyuter tizimlari. Ular ma’lumotlar bazasi, tarmoqli texnologiya, resurslarga, telekommunikatsion tizimiga kirish imkoniyati, tizimli va qayta ishlash amaliy dasturlarini keng qо‘llashga asoslangan.
IATning birinchi avlodiga 50-70 yillarda katta elektron-hisoblash mashinalar (EHM) bazasida ishlab chiqilgan, hozirgi vaqtda «meynfreym» deb nomlangan ishlanmalar kiradi. Ularning asosiy vazifasi ma’lumotlar bilan ishlashda kо‘p mehnat talab qiluvchi qiyin, eskirgan va mashaqatli operatsiyalarini EHMga о‘tkazish. [6].
IAT ishlab chiqish algoritmik tillar, relyatsion modellar, tarmoqli va iyerarxiya ma’lumotlar bazalarini, ma’lumotlar bilan ishlashning yuqori samarali algoritmlarini yaratishga stimul berdi.
Ikkinchi bosqichda ma’lumotlar qayta ishlanishining markazlashtirilgan texnologiyasidan demarkazlashgan va bevosita ish joylarida personal kompyuterlarni qо‘llagan holda taqsimlangan texnologiyaga о‘tish amalga oshirilgan.
Uchinchi bosqichda korxonani boshqarishda о‘zaro bog‘langan masalalar majmuini amalga oshirish uchun kompleks yondashish zaruriyati avtomatlashtirishga yangicha yondashish, «mijoz-server» arxitekturasi prinsiplari asosida foydalanuvchilarning kollektiv ishlashini amalga oshirishni talab etdi. [7].
Industrial axborot tizimlari (IAT) – yig‘ish, tizimlash, qayta ishlash, korxonani boshqarish masalalarini amalga oshirish uchun iqtisodiy-matematik uslublarni qо‘llab, ma’lumotlarni saqlash va uzatadigan zamonaviy vositalar qо‘llanadigan boshqarish tizimidir.
Korporativ axborot tizimi – bu tarmoqli texnologiyani keng qо‘llagan holda resurslarga telekommunikatsion tizimga kirish imkoniyati, qayta ishlashning amaliy programmalariga asoslanib, hudud bо‘yicha taqsimlangan korporatsiyani boshqarish uchun (muassasa, kompaniya, jamiyat tomonidan), integratsiyalangan kompyuter tizimlari bо‘lib, tarmoqli texnologiyani keng qо‘llash, resurslarga telekommunikatsion tizimga kirish imkoniyati, ma’lumotlar bilan amaliy ishlash dasturlariga asoslangan. Korporativ axborot tizimidan IATning farqi – u bitta boshqaruvchining yuridik jihozidir.