Ilova o‘zbekiston Respublikasi Moliya vazirligi tizimida “Yosh mutaxassislarni tanlash

---

O‘zbekiston Respublikasi
Moliya vazirligining
2022-yil “11” - noyabrdagi
“149 ” - son buyrug‘iga
ILOVA
O‘zbekiston Respublikasi Moliya vazirligi tizimida “Yosh mutaxassislarni
tanlash
”
D A S T U R I
O‘zbekiston Respublikasi Moliya vazirligi (keyingi o‘rinlarda – Moliya
vazirligi) tizimida “Yosh mutaxassislarni tanlash” dasturi (keyingi o‘rinlarda –
Dastur) oliy taʼlim muassasalarining (keyingi o‘rinlarda – OTM) bitiruvchi kursida
o‘qiyotgan qobiliyatli yoshlarni saralab olish, ularning stajirovkasini tashkil etish va
keyinchalik zaxiraga kiritish bo‘yicha kompleks chora-tadbirlarni nazarda tutadi.
Dastur maqsadi – Moliya vazirligi tizimiga eng munosib kadrlarni tanlash va
istiqbolli kadrlarni tayyorlashni tizimli yo‘lga qo‘yish hamda OTM bitiruvchilarini
Moliya vazirligi tizimiga jalb qilish samaradorligini oshirishdan iborat.
Dastur vazifalari:
OTM hamda Moliya vazirligi o‘rtasida integratsiyani yo‘lga qo‘yish;
eng salohiyatli va bilimli bitiruvchilarni tanlash;
nomzodlarni Moliya vazirligiga stajirovka o‘tash uchun yo‘naltirish hamda
“ustoz-shogird anʼanasi” asosida tajribali ustoz-mentorlarga biriktirish;
stajirovkani muvaffaqiyatli yakunlagan bitiruvchilarni tanlov asosida Moliya
vazirligiga ishga qabul qilish.
1-bob. Umumiy qoidalar
1. Ushbu Dasturda quyidagi asosiy tushunchalar qo‘llaniladi:
OTM
– bakalavriat taʼlim yo‘nalishlari bo‘yicha yuqori malakali kadrlar
tayyorlanishini taʼminlovchi davlat taʼlim muassasasi;
bitiruvchi
– OTM kunduzgi shaklining bakalavriat bosqichi bitiruv kurs
talabalari;
Moliya vazirligida stajirovka o‘tash
– yosh mutaxassislarni davlat xizmatiga
tayyorlash, kasbiy faoliyat masʼuliyatini his etish va tajribali mutaxassislarning ish
faoliyatini o‘rganish orqali OTMda olgan nazariy bilimlarini amaliy mustahkamlash
jarayoni;