Ilmiy tadqiqot metodologiyasi

4-MAVZU. ILMIY TADQIQOT ASOSLARI VA AMAL QILISH MEXANIZMLARI. ZAMONAVIY IQTISODIY PARADIGMALAR.


REJA

4.1.Iqtisodiyotni modernizatsiya qilishda fanning vazifalari.

4.2.Gipoteza. Konsepsiya. Nazariya. Qonun. Paradigma. Tizimlilik. Sinergitika.
4.3. Zamonaviy iqtisodiy paradigmalar.


O‘zbekiston Respublikasi Prezidenti Shavrat Mirziyoyevning 2018-yil 28-dekabrda Oliy Majlisga Murojaatnomasida iqtisodiyot sohasida bajarilishi lozim bo’lgan maqsad va vazifalarni keltirdi.
Iqtisodiyot sohasida oldimizda turgan vazifalar haqida gapirganda, avvalo, keng qamrovli iqtisodiy islohotlar negizida quyidagi maqsadlar mujassam ekanini qayd etish lozim:
– ochiq iqtisodiyot, sogʻlom raqobat, ishbilarmonlik va investitsiya muhitini tubdan yaxshilash uchun zarur sharoitlarni yaratish;
– iqtisodiyotda davlat ishtirokini kamaytirish, xususiy sektorni jadal rivojlantirish orqali yangi ish oʻrinlarini koʻpaytirish;
– iqtisodiyotni modernizatsiya va diversifikatsiya qilish, mehnat unumdorligini oshirish orqali yuqori iqtisodiy oʻsishni taʼminlash;
– “yashirin” iqtisodiyotga qarshi kurashish, uning hajmini keskin qisqartirish;
– valyutani erkinlashtirish siyosatini izchil davom ettirish, barqaror monetar siyosatni amalga oshirish;
– iqtisodiyotni rivojlantirishga doir strategik vazifalarni roʻyobga chiqarishga qodir malakali kadrlarni tayyorlash.
Bu maqsadlarga erishish uchun quyidagi ustuvor vazifalarni amalga oshirish talab etiladi.