Ilmiy tadqiqot metodlari va usullari. Reja

Магистрлик диссертациясининг мавзуси.
Магистрлик диссертациясининг мавзулари кафедранинг илмий-тадқиқот йўналишига, таълим тизимида амалга оширилаётган Республика “Кадрлар тайёрлаш миллий дастури”да баён қилинган ва амалга оширилиши зарур бўлган вазифаларга мос бўлиши керак.
Мавзу ва илмий раҳбар танлаш
Магистрлик диссертациясининг мавзуси ҳар бир мутахассислик бўйича тавсия этилган мавзулар рўйхатидан магистрант томонидан танлаб олитнади. Мавзу танлаш ўта маъсулиятли ҳисобланади ва бунга кафедранинг етук прорфессор-ўқитувчилари маслаҳат бериши мақсадга мувофиқдир.
Ҳар қандай ишда бўлганидек, магистрлик диссертациясини ёзиш жараёнида ҳам, аввал ишнинг режаси тузилиб, кейин иш бошланади. Диссертация режаси бевосита илмий раҳбар иштирокида тузилади. Илмий ишни бажариш жараёнида, дастлабки тузилган режа ўзгариши, такомиллаштирилиши мумкин, бу салбий ҳолат эмас. Аксинча, магистрантнинг илмий иш мавзусига чуқур кириб борганлигши, унинг билим доираси кенгайганлигидан далолат беради.
Магистрант, ҳар бир манба билан дастлаб танишиш учун ўқиб чиқади, агар у ишга тааллуқли бўлса, қайтадан синчиклаб ўрганади ва қисқача матнини ёзиб олиши мақсадга мувофиқдир. Диссертант ўзи кўриб чиққан манбалардаги ёндошиш, қарашлар ва фикрлардан илмий ишда фойдаланиши керак. Бу ўринда шуни таъкидлаш жоизки, магистрант цитаталардан фойдаланиш тартиби ва қоидасини билиши зарур. Цитаталар келтириш илмий тадқиқотнинг хусусиятларидан бири бўлиб, адабиёт маълумотларидан, бошқа тадқиқотчиларнинг фикрларидан фойдаланишнинг ўзига хос усулларидан бириди, тадқиқотчи иложи борича уларнинг фикрини ўрганб, ривожлантиришга харакат қилиши керак.
Хулоса қилиб айтганда, илмий раҳбарнинг вазифаси қуйидагича:

• 
  ишнинг режасини тузишда иштирок этиш ва магистрантга тўғри йўл кўрсатиш ҳамда унинг билим даражасини ва қизиқишини ҳисобга олиш;
  
• 
  магистрантга диссертация мавзуси бўйича зарур бўлган адабиёт, турли маълумот манбаларини танлашда ёрдам бериш;
  
• 
  мавзу бўйича мунтазам суҳбат ўтказиб туриш ва маслаҳатлар бериш;
  
• 
  ишнинг бажарилган қисмлари билан танишиб, ҳаққоний баҳо бериш;
  
• 
  магистрант томонидан якунланган диссертацияни баҳолаш, унга хулоса бериш ва ҳимояга тавсия беришдан иборат.
  

Диссертантнинг фаолияти кафедра мудири томонидан мунтазам равишда назорат қилиб турилади. Барча ишлар кафедрада ишлаб чиқилган “Магистрлик диссертацияларини тайёрлаш бўйича топшириқлар” асосида амалга оширилади.