Ilmiy-tadqiqot ishlari

H I S O B O T I

Ilmiy-tadqiqot ishlari

Men, Jumayeva Muxlisa Abdug`ani qizi “Raqobatning kuchayishi sharoitida bank xizmatlari marketingini boshqarish” nomli magistrlik dissertatsiyasi mavzusini tanladim. Magistrlik dissertatsiyasi mavzusini tanlaganimdan keyin, men mavzu va uning asosnomasini “Menejment” kafedrasi muhokamasiga taqdim etdim. Tanlagan magistrlik dissertatsiyasi mavzusi kafedra majlisida muhokama qilindi va kafedra tomonidan tavsiya qilingan ilmiy rahbar bilan kelishildi. Kafedra taqdimnomasiga muvofiq, tanlangan magistrlik dissertatsiyasi mavzusi va unga tayinlangan ilmiy rahbar institut magistratura bo’limi tavsiyasi asosida rektorning buyrug’i bilan tasdiqlashga berildi.

Toshkent moliya instituti rektorining 2019 yil 30 oktyabrdagi 404-sonli “Institut talabalarining magistrlik dissertatsiyasi mavzularini tasdiqlash va ularga ilmiy rahbar tayyorlash to’g’risida”gi buyrug’iga muvofiq “Raqobatning kuchayishi sharoitida bank xizmatlari marketingini boshqarish” nomli magistrlik dissertatsiyasi mavzusi tasdiqlandi va menga dotsent G.Hamdamova ilmiy rahbar etib tayinlandi.

Buyruq, asosnoma va kafedraning majlis 3-sonli bayonnomasi hisobotga ilova qilindi.

Institut rektorining buyrug’i chiqganidan so’ng, ilmiy rahbar bilan magistrlik dissertatsiyasi mavzusi rejasini tuzib chiqdik. Shuningdek, mavzuning dolzarbdigi, muammoning o’rganilganlik darajasi, ilmiy yangiligi, tadqiqotning maqsad va vazifalari, tadqiqot ob’ekti, predmeti, amaliy ahamiyatini belgilab oldik.

Magistrlik dissertatsiyasining birinchi bobida ilmiy-tadqiqot manbaalarini o’rgangan holda qaysi muammo hal etilganligi yoki yechilmaganligi, hamda yana qaysi masalalarga ko’proq ahamiyat berish kerakligini aniqladim.

Buning uchun har bir manbaaga ilmiy-ijodiy va tanqidiy yondoshdim.