Ilmiy izlanish asoslari

Bitiruv malakaviy ishga qo‘yiladigan talablar. Malakaviy ish ilmiy rahbar tomonidan talabaga beriladigan yakka tartibdagi topshiriqlarga asosan bajariladi. U quyidagilarni uz ichiga oladi:

• 
  malakaviy ish rejasini tuzish, uni ilmiy rahbar bilan kelishish
  
• 
  malakaviy ishni yozish bo‘yicha foydalanadigan adabiyotlar ro‘yxatini tuzish;
  
• 
  malakaviy ish bo‘yicha zarur bo‘ladigan ma’lumotlarni tegishli tashkilotlardan to‘plash.
  

Bitiruv malakaviy ishni bajarishda talabalarni bitiruv oldi amaliyotini o‘tishi muhim ahamiyatga ega. Chunki, bu davrda talaba o‘zi tanlagan korxona faoliyati bo‘yicha materiallarni yig‘ib, qayta ishlab chiqadi va hisobot yozadi.

Bitiruv malakaviy ishning ob’ekti sifatida mulkchilikning turli shaklidagi ishlab chiqarish korxonalari yoki ularning bo‘limlari, servis korxonalari (kompaniyalar) qabul qilinishi mumkin.

Bitiruv malakaviy ish Oliy va o‘rta maxsus ta’lim vazirligi tomonidan tasdiqlangan o‘quv rejalari asosida o‘tilgan fanlarning yakuniy baholash mezoni hisoblanadi. Bitiruv malakaviy ish yosh mutaxassisning mustaqil ravishda xo‘jalik yuritish bilan bog‘liq masalalarni yechish qobiliyatini baholovchi hujjat hisoblanib, uning himoyasi bakalavrning nazariy bilim va amaliy ko‘nikmalarini tasdiqlash uchun xizmat qiladi. 5610100 - Xizmatlar sohasi (faoliyat turlari va yo‘nalishlar bo‘yicha) davlat standartida bitiruv malakaviy ish mazmuniga quyidagi talablar qo‘yilgan:

· malakaviy ish mazmunining nazariy tomonlarini to‘la yoritish;

· belgilangan mavzu buyicha ko‘rilayotgan masalaning holatini tahlil qilish;

· malakaviy ishning maqsadi va vazifalarini amaliy ma’lumotlarga asoslanib shakllantirish;

· tegishli xulosalarni keltirish va bajarilgan tadqiqotlar natijalari bo‘yicha takliflar ishlab chiqish.

Yuqoridagi davlat standartiga muvofiq bitiruv malakaviy ishlarning mavzusi va asosiy tarkibi kafedra tomonidan belgilanadi. Ishda barcha bilimlarning qo‘llanishini talab qiluvchi kasbiy masalaning to‘liq yechimi bo‘lishi shart.