Ilmiy izlanish asoslari

Kurs ishining mazmuni bo‘yicha asosiy talablar. Kurs ishining sifatli yozilishi uchun eng avvalo zaruriy adabiyotlardan chuqur bilimga ega bo‘lish va mavzu savollariga mustaqil hamda to‘la javob yoza olish lozimligini talaba chuqur his etishi kerak. Mavzuning mazmuni unga to‘la to‘g‘ri kelishi va hozirgi zamon taraqqiyoti bilan bog‘lanishi lozim. Ishning matnida mavzu savollariga javob berishni rejada ko‘rsatilgan tartibda olib borish kerak. Savollarga javob yozganda, konspektdan va to‘plagan materiallarning hammasidan foydalanish maqsadga muvofiq emas. Undan asosan ilmiy-nazariy asoslarni va statistik ma’lumotlardan foydalanish lozimki, keltirilgan savollarning mazmuni yoritiladigan bo‘lsin. Matn materiallarini manbalardan so‘zma so‘z ko‘chirmasdan, o‘z so‘zi bilan bayon etish maqsadga muvofiqdir. Faqat ayrim sitatalarni, adabiyotlarda qo‘shtirnoq ichiga olingan jumlalarni so‘zma-so‘z ko‘chirish mumkin. Kurs ishini bajarishda umumiy gaplar va yuzaki bayon etishdan qochish kerak. Har bir fikr matnda bayon etilishi zarur.

Nazariy fikrlar esa aniq faktlar va raqamlar bilan mustahkamlanishi kerak.

Kurs ishining matni qo‘l yozmada, xatosiz, tushunarli sodda til bilan yozilishi kerak. Shuning uchun ham kurs ishini avval birinchi nusxasi varianti tayyorlab olish, so‘ngra esa jumlalarni qunt bilan tekshirib, takror fikrlarni chiqarib tashlab, muhim qo‘shimchalarni kiritish, imlo xatolarni to‘g‘rilash va nihoyat oq qog‘ozga oxirgi ikkinchi variantini ko‘chirish tavsiya etiladi.

3.