Ilmiy ish asoslari

2. Ishlab chiqarishni diversifikatsiya qilmasdan turib, tashqi bozorlarga chiqish va mahsulotlarni sotish borasidagi eksport dasturini amalga oshirish, valyuta daromadlari tushumini ta'minlash, yuqori texnologiyalarga asoslangan yangi ishlab chiqarishni va ish o'rinlarini tashkil etish, pirovard natijada qo'yilgan maqsadlarga erishish haqida so'z yuritish mumkin emas. Jahon bozorida teng raqobatlasha oladigan va keyingi bosqichda iqtisodiy o'sishning, iqtisodiyotni yanada modernizatsiya va diversifikatsiya qilishning lokomotiviga aylanishi mumkin bo'lgan tarmoq va korxonalarni jadal rivojlantirish hamda aniq yo'naltirilgan holda qo'llab-quvvatlashni ta'minlash zarur. Bozor iqtisodiyoti tufayli hayotimizga jahon tajribasida sinalgan yondashuvlar, erkin munosabatlar kirib keldi. Kechagina biz uchun yangilik sanalgan ko'pgina atamalar bugungi kunda iqtisodiy jarayonning asosiy zanjirlariga aylandi. Diversifikatsiya ham bugun shu zanjirning asosiy bo'laklaridan biri.