Илмий тадқиқот асослари: 1000 саволга 1000 жавоб тошкент–2019

 
191 - САВОЛ: 
“АВЕСТО” ҚАНДАЙ ТАЪЛИМОТНИ 
ИФОДАЛАЙДИ? 
ЖАВОБ: “Авесто” – “Авето” (асли “Овасто”) сўзи “Огоҳ-
нома”, “Донишнома” деган маъноларни ифодалайди. 
“Авесто” Зардуштийлик динининг муқаддас китоби ҳисоб-
ланиб, ўз даврида ўша пайтларда бу динга эътиқод қилувчилар 
учун муқаддас китоб саналган ва унга бир неча минг йиллар 
давомида ихлос билан амал қилиб келинган. 
Ҳозир эса бу китоб аждодларимиз маданияти ва маънавий 
қадриятлардан дарак берувчи, жаҳон тамаддунига (цивилизация-
сига) муҳим ҳисса қўшган, оламшумул аҳамиятга эга қадимги, энг 
мўътабар, энг нодир, маданий - тарихий, маърифий ёдгорлиги 
сифатида ўрганилади. 
“Авесто” номли таълимот инсонларга асрлар бўйи маънавий 
мадад, руҳий озуқ бўлиб хизмат қилди. “Авесто” даги алқов 
қўшиқлари узоқ-узоқ йиллар мобайнида қироат билан куйлаб 
келинди ва улар инсонларда келажакка умид, яхшилик, эзгулик, 
мардлик, қаҳрамонлик, покизалик, ростгўйлик туйғуларини 
тарбиялайди, ёвузликка нисбатан эса нафрат ҳиссини уйғотишга 
хизмат қилади ва мамлакат бўйлаб кенг тарқалди. 
КЎРСАТМА: Ҳар бир онгли одам “Авесто”даги мазмун - 
моҳиятни тўғри англаб етса, ўзи яшаётган жамиятнинг фаол 
иштирокчиси бўла олади. Бунга сабаб “Авесто”дан ҳаётнинг барча 
жабҳалари учун йўриқнома сифатида фойдаланиш мумкин. 
 
192 - САВОЛ: 
АВТОМАТИКА 
ҚАНДАЙ 
ФАННИНГ 
ЮЗАГА КЕЛИШИГА АСОС БЎЛАДИ?
ЖАВОБ: Автоматика XIX асрнинг бошларида ўзининг 
ривожланиш босқичига кўтарилади. Автоматика фақатгина ўзини-
ўзи бошқарадиган қурилма эмас, балки у техникани автоматик 
бошқариш ҳақидаги фан ҳамдир. XIX аср охири ХХ аср бошларида 
фан ва техника мисли кўрилмаган даражада ривожланди. Бу 
даврда саноат, транспорт ва бошқа соҳаларни автоматлаштиришга 
киришилди. Автоматик бошқариш назарияси “Кибернетика” 
номли янги фан вужудга келишга асос бўлди. 

---

147 
КЎРСАТМА: Кибернетика бошқариш санъати ҳақидаги фан. 
Шу сабабли, сиз ҳам ўз илмий тадқиқот ишингизда кибернетика 
фани ютуқларидан фойдаланишга ҳаракат қилиб кўринг.