Илмий тадқиқот асослари: 1000 саволга 1000 жавоб тошкент–2019

 
461 - САВОЛ: 
КАСБИЙ ЖИҲАТДАН БИЛИМДОНЛИК 
ДЕГАНДА НИМАНИ ТУШУНАСИЗ? 
ЖАВОБ: Касбий жиҳатдан билимдонлик – ўқув дастури 
йўналишида асосланган билимга эгалиги, услубий асосланган 
амалий фаолият кўрсата олиш қобилияти, мавжуд фаолият 
даврида учраган муаммолар ечимини мустақил топишнинг 
оптимал усулларини эгаллай олганлик қобилиятлари мажмуидир.
КЎРСАТМА: Бўлажак мутахассисларда бўлажак касбий фао-
лияти учун муҳим шахсий-касбий сифатларни, эгалламоқчи бўл-
ган касб бўйича функционал вазафаларни бажаришга тайёрлаш ва 
бу борада эгалланиши лозим бўлган билим, кўникма ҳамда мала-
каларни мукаммал эгаллашларига доимо эътиборда бўлиш керак.
 
462 - САВОЛ: 
КВАЛИМЕТРИЯ ДЕГАНДА НИМАНИ 
ТУШУНАСИЗ? 
ЖАВОБ: Квалиметрия – бу шахс интеллектуал ривожи ва 
тарбияси ҳақидаги сифатий маълумотларни унинг сонли 
характеристикаси орқали ифодалаш ҳақидаги педагогик метод. 
КЎРСАТМА: Тадқиқотчи ўз ижодий фаолияти бўйича 
маълумот тўплашда “Тадқиқотчи - манба (субъект) – белгилар – 
маълумотлар – маълумотлар базаси – билимлар банки” тизимини 
эътиборга олиб фаолият юритиши керак ва бунда сифатий 
маълумотларни уларнинг миқдорий характеристикалари билан 
алмаштиришга ҳам қатъий эътибор қилиш керак. 
 
463 - САВОЛ: 
ЛОЙИҲАЛАШ ДЕГАНДА НИМАНИ ТУ-
ШУНАСИЗ? 
ЖАВОБ: Лойиҳалаш – бу таълимнинг мазмуний қисмини 
ишлаб чиқишдан иборат бўлиб, ўқитиладиган маълумотлар 
(фанлар) мажмуасини аниқлаш, ҳар бир фаннинг мазмуни, 
соатлари ва бошқаларни режалаштиришдир. 
КЎРСАТМА: Лойиҳа асосида ўқитиш таълим олувчининг 
мустақил ишлаши, фикр юритиши, материални ўзи ўзлаштириб 
олишига имконият яратади. Шунинг учун бу усулдан таълим 

---

320 
олувчининг ўқув-билиш фаолиятини юксалтиришда мақсадли 
фойдаланишга доимо эътиборда бўлиш керак бўлади.