Илмий тадқиқот асослари: 1000 саволга 1000 жавоб тошкент–2019

854 - САВОЛ: 
ЎҚУВ - УСЛУБИЙ ТАЪМИНОТ МАЖ-
МУАСИ МОДЕЛИ ДЕГАНДА НИМАНИ 
ТУШУНАСИЗ? 
ЖАВОБ: Ўқув - услубий таъминот мажмуаси модели деганда 
ўқув мазмуни ва ундан таълим жараёнида фойдаланиш 
методологияси ҳамда улар интеграцияси асосидаги ўқитиш 
жараёнининг алгоритмик тузилмаси тушунилади.
КЎРСАТМА: Ўқув-услубий таъминот мажмуаси модели 
таркибига қуйидагилар киради: ўқув мавзуси режаси; модулли 
ўқув ахборот; машғулотнинг технологик харитаси; тажриба-ама-
лий машғулот режаси; йўриқномали технологик харита; таълим 
олувчининг лаборатория –амалий машғулот натижаларини ёзиб 
бориш учун мўлжалланган иш дафтари; назарий ва амалий 
машғулотлар учун топшириқлар; назорат турлари. 
855 - САВОЛ: 
ҚИСМАН ЎХШАШЛИК ДЕГАНДА НИ-
МАНИ ТУШУНАСИЗ? 
ЖАВОБ: Агар ўрганилаётган ҳодисалар (жараён ёки 
тизимлар)да барча мезонлар эмас, балки уларнинг баъзилари 
ўринли бўлса, бундай ўхшашлик нотўлиқ ёки қисман (айрим 
элементлари, соҳалари, йўналишлари, қисмлари бўйича) ўх-
шашлик дейилади. 

---

536 
КЎРСАТМА: Илмий тадқиқот ишининг самарадорлигини 
ўхшашлик мезони ва моделлаш орқали баҳолаш ишончли, 
кўргазмали, далилий йўллардан иборат. Шу сабабли улардан 
илмий тадқиқот ишида ва улардаги жараёнларни назорат қилишда 
фойдаланиш мақсадга мувофиқ бўлиб, у тадқиқот мақсади ва 
вазифаларида белгиланган “манзил”га етиб боришнинг оптимал 
вариантини топишни кафолатлайди. 
856 - САВОЛ: 
ҲОДИСАЛАРДАГИ ЎХШАШЛИК НИМА-
ЛАРНИ ИФОДАЛАЙДИ? 
ЖАВОБ: Ҳодисалардаги ўхшашлик турдош ҳодисалар ораси-
даги мувофиқликни, яъни бир ҳодисанинг барча миқдорий 
характеристикалари бошқасининг шундай характеристикаларини 
пропорционал равишда акс эттириши натижасида ҳосил бў-
лишини ифодалайди. 
КЎРСАТМА: Ўхшашлик мезонини ифодаловчи ўлчамли 
кўрсаткичлар (параметрлар) ўхшаш жараёнлар учун бир-биридан 
катта фарқ қилувчи қийматларни қабул қилиши мумкин. Бундай 
ҳолларда жараёнларни ўрганишда ўхшашлик коэффициентини 
ҳамда мезонини аниқ билиш ва шу асосида хулоса чиқариш 
мақсадга мувофиқ бўлади. 

---

537